मंगलबार, फागुन २२, २०८०

भ्रष्ट्राचार रोक्न यी अदालतमा गोला प्रथाबाट पेसी तोकिने

मेरोन्यूज २०७८ साउन १७ गते २१:०९

काठमाडौँ । आगामी मंसिरदेखि जिल्ला अदालत र उच्च अदालतहरूमा गोला प्रथामार्फत पेशी तोकिने भएको छ । सर्वोच्च अदालतका प्रधानन्यायाधीश चोलेन्द्र शमशेर जबरालाई गत साउन १४ गते न्यायाधीश हरिकृष्ण कार्की नेतृत्वको समितिले बुझाएको प्रतिवेदनका आधारमा गोला प्रथाबाट जिल्ला र उच्च अदालतहरूमा पेशी तोकिने भएको हो ।

सर्वोच्चले आइतबार एक विज्ञप्ति जारी गर्दै समितिले पेसी तोक्ने विषय देखिएको समस्या समाधान गर्न गोला प्रथाबाट अपनाउनु पर्ने जनाएसँगै सोहीअनुरुप हुने जनाएको हो ।

न्यायपालिकामा हुने विकृति, विसंगति, भ्रष्टाचार एवं बिचौलियाबाट हुन अनैतिक कार्य रोक्न कानूनी तथा संरचना नै परिवर्तन गर्नु पर्ने प्रतिवेदनमा उल्लेख गरिएको थियो ।

स्वचालित पेशी सूची प्रणाली शुरु नहुँदासम्म पारदर्शी ढंगले गोला प्रथाबाट पेशी तोक्न समितिले सुझाव दिएको थियो । सोहीअनुसार जिल्ला र उच्च अदालतलाई मंसिरदेखि सर्वोच्चको निर्णय लागु गर्न पत्र पठाएको सर्वोच्चले जनाएको छ ।

Advertisement

प्रतिक्रिया