शुक्रबार, फागुन १८, २०८०

एमालेमा दुई अध्यक्षको व्यवस्था छैन : महासचिव पोखरेल

मेरोन्यूज २०७८ साउन १७ गते १७:४५

काठमाडौं । नेकपा एमालेका महासचिव ईश्वार पोखरेलले एमालेमा दोस्रो अध्यक्षको व्यवस्था नभएको बताएका छन् । आइतबार तुल्सीलाल स्मृति प्रतिष्ठानको कार्यालय च्यासलमा बसेको स्थायी कमिटी बैठकपछि बोल्दै पोखरेलले एमालेको ९औं महाधिवेशनले दुई अध्यक्षको व्यवस्था नगरेको बताए ।

उनले प्राधिविक रुपमा पार्टीमा दुई अध्यक्ष बनाएपनि विधान अनुसार नहुने बताए । उनले पार्टीलाई २ जेठ २०७५ को अवस्थामा फर्काएकाले दुई अध्यक्ष असम्भव रहेका बताएका छन् । उनले पार्टीका वरिष्ठ नेता माधव कुमार नेपाल पक्ष बैठकमा सहभागी नभए पनि पार्टीका काम अगाडि बढ्ने बताए । यस्तै, एमालेले स्थानीय तहका कमिटीहरूको अधिवेशनका लागि डेडलाइन तोकेको छ ।

एमालेले देशभरका सबै पालिकाको अधिवेशन असोज ९ सम्म गरिसक्ने निर्णय गरेको महासचिव पोखरेलले बताए । त्यस्तै साउन २४ गतेलाई एमाले केन्द्रीय कमिटी बैठक बोलाइएको छ । सोमबार ३ बजे पुन: स्थायी कमिटी बस्ने भएको छ । बैठकमा विधान महाधिवेशन, केन्द्रीय विभागहरूको गठन र सदस्यता नवीकरण समबन्धमा छलफल भइरहेको छ ।

बैठकमा उपाध्यक्ष वामदेव गौतम पनि सहभागी भएका थिए । यस्तै नेकपा माओवादी केन्द्रको सदस्य दाबी गर्दै सर्वोच्च अदालत गएको पूर्व माओवादी नेताहरु पनि सहभागी भएका थिए । बैठकमा वरिष्ठ नेता नेपाल पक्षको सहभागीता रहेको थिएन ।

Advertisement

प्रतिक्रिया