मंगलबार, फागुन २२, २०८०

तुइन हटाउन र हेलम्बु बाढी पीडितलाई आवश्यक प्रबन्ध मिलाउन सरकारको निर्देशन

मेरोन्यूज २०७८ साउन १७ गते १७:१०

काठमाडौँ । सिंहदरबारस्थित गृह मन्त्रालयमा गृहमन्त्री बालकृष्ण खाँणको अध्यक्षतामा विपद व्यवस्थापन बैठक बसेको छ । बैठकले सिन्धुपाल्चोकका विभिन्न स्थानमा आएको बाढीले जोखिममा परेका सर्वसाधरणलाई तत्काल आवश्यक प्रबन्ध मिलाउन निर्देशन दिएको छ ।

यस्तै, बैठकले विपदमा परेको सर्वसाधरणका लागि आवश्यक औषधि तथा सामग्री ढुवानी गर्न पुल नभएको ठाउँमा सडक सुविधा सहज बनाउन तीनै तहका सरकारी निकायसँग समन्वय गर्न गृह मन्त्रीले निर्देशन दिएका छन् । उनले नागरिकको जीवन रक्षा, उद्धार र राहतका लागि गृहमन्त्रालय प्रतिबद्ध भएको जनाएका छन् ।

यसैगरी, तुइन हटाएर झोलुङ्गे पुल निर्माण कार्यलाई तीव्रता दिन गृहमन्त्रीले निर्देशन दिएका छन् । गत शुक्रबार भारतीय एसएसबीले तुइन हटाइदिँदा तुइनबाट महाकाली नदी पार गरिरहेका नेपाली युवा वेपत्ता भएका थिए ।

बैठकमा गृहसचिव महेश्वर न्यौपाने, प्रहरी महानिरीक्षक शैलेश थापा क्षेत्री, सशस्त्र प्रहरी महानिरीक्षक शैलेन्द्र खनाल, मुख्य अनुसन्धान निर्देशक गणेश प्रसाद अधिकारी गृह प्रवक्ता फणीन्द्र मणि पोखरेललगायतको उपस्थिति रहेका थिए ।

Advertisement

प्रतिक्रिया