मंगलबार, फागुन २२, २०८०

वीर अस्पतालका स्वास्थ्यकर्मी र प्रहरीबीच झडप, चार जना घाइते

मेरोन्यूज २०७८ साउन १७ गते १५:०९

काठमाडौँ । वीर अस्पतालका स्वास्थ्यकर्मी र कर्मचारीले गरेको प्रदर्शनमा प्रहरीले हस्तक्षेप गरेको भन्दै झडप भएको छ । झडपमा चार जना कर्मचारी घाइते भएका छन् । घाइते स्वास्थ्यकर्मीको वीरकै एमर्जेन्सीमा उपचार भइरहेको छ ।

अस्पतालको प्रशासकीय अधिकृत डा. जागेश्वर गौतमविरुद्ध प्रदर्शनमा उत्रिएका स्वास्थ्यकर्मी र कर्मचारीलाई प्रहरीले लाठी चार्ज गरी घाइते बनाएको आन्दोलनरत कर्मचारी दीपक मुडभरीले बताए ।

सरकारले कोरोना भाइरस (कोभिड–१९) नियन्त्रणसम्बन्धी अध्यादेश ल्याई वीर अस्पताललाई कोभिड युनिफाइड अस्पताल बनाउने घोषणा गरी डा. गौतमलाई प्रमुख नियुक्त गरेको थियो । तर, डा. गौतमले अस्पतालको सेवामा कुनै सुधार नगरेका थप आर्थिक अनियमितता भएको भन्दै स्वास्थ्यकर्मी र कर्मचारी प्रदर्शनमा उत्रिनु परेका आन्दोलिन कर्मचारीहरुको भनाई छ ।

उनीहरूले आठ महिनादेखि कोभिड–१९ जोखिम भत्तालगायतका विभिन्न सेवा सुविधा नपाएको एक स्वास्थ्यकर्मीले मेरोन्युजलाई बताए ।

Advertisement

प्रतिक्रिया