मंगलबार, फागुन २२, २०८०

कर्णाली नदीमा गाडी खस्दा तीनजना घाईते, दुई जना बेपत्ता

मेरोन्यूज २०७८ साउन १५ गते १८:२३

कैलाली । कैलालीको कर्णाली नदीमा गाडी खस्दा तीनजना घाईते भएका छन् भने दुई जना बेपत्ता भएका छन् । पाँच जना सवार रहेको उक्त गाडी सडकबाट कर्णाली नदिमा खसेको हो ।

घाईते भएका तीन जनाको नेपालगन्ज मेडिकल कलेजमा उपचार भइरहेको जिल्ला प्रशासन कार्यालय कैलालीले जनाएको छ । उपचार भइरहेका मध्ये एक जनाको अवस्थाको गम्भीर र दुई जनाको अवस्था सामान्य रहेको जिल्ला प्रहरी कार्यालय कैलालीका प्रमुख प्रहरी उपरीक्षक विश्व अधिकारीले बताएका छन् । उनले मेरोन्यूजलाई नदीमा खसेको गाडी भेटिएको पनि जानकारी दिएका छन् ।

यस्तै बेपत्ता भएका दुबैजनाको खोजी भइरहेको बताएको छ । कैलालीको मोहन्याल गाउँपालिका वडा न. ७ बाँकास्थित चिसापानीदेखी सोल्टा जाने कच्ची सडक खण्डमा नम्बर नखुलेको जिप सडकमा ब्याक गर्ने क्रममा सडकबाट अन्दाजी २५०/३०० मिटर तल कर्णाली नदिमा खसेको जिल्ला प्रहरी कार्यालयले जनाएको छ ।

गाडीमा सवार डोटीको आदर्श गाउँपालिकाकाका अन्दाजी ४० का गाडी चालक चन्द्र प्रकाश जोशी र अन्दाजी ३० कि रुवि जोशी बेपत्ता रहेको प्रहरीले जनाएको छ । यस्तै, अन्दाजी ८ वर्षीय लक्ष्मी जोशी, अन्दाजी २ वषका भुवन जोशी र अन्दाजी ६ वर्षीय सावित्री जोशी नेपालगञ्ज मेडिकलेजमा उपचार भइरहेको एसपी अधिकारीले बताए ।

जोशी आफ्नो परिवारसहित नेपालगञ्जबाट उपचार गरेर घर फर्किने बेला चिसापानी घुम्न गएका थिए ।

Advertisement

प्रतिक्रिया