शनिबार, फागुन १२, २०८०

जलवायु परिवर्तन नियन्त्रण नगरे भयवह : नेता पोखरेल

मेरोन्यूज २०७८ साउन १५ गते १४:१९

काठमाडौँ । नेकपा माओवादी केन्द्रका नेता गिरिराजमणि पोखरेलले जलवायु परिवर्तनसँगै देखिएको विपदले ठूलो क्षति पुर्याएको बताउँदै सरकारले ध्यान दिनु पर्ने बताएका छन् । शुक्रबार बसेको प्रतिनिधिसभा बैठकमा बोल्दै उनले विपदको क्षति हिसाब गर्न नसकिने भएको बताए ।

नेता पोखरेलले जलवायु परिवर्तनका कारण नेपालमा मात्र नभई विश्वका शक्तिशाली देशमा समेत ठूलो असर पुगेको बताए । ‘हामीले नदीको धारमा जति बलमिचाइँ गर्छौँ, त्यति नै नदीले बल प्रदर्शन गर्दछ,’ उनले भने, ‘हाम्रो देशमा ठूला आयोजनाहरू सुरक्षित छैन, जलवायु परिवर्तनसँगै विकास निर्माण गर्नु पर्दछ ।’

बैठकमा बोल्दै उनले जलवायु परिवर्तनलाई न्युनीकरण गर्न १० बुँदे कार्य पत्रसमेत पेश गरेका थिए । उनले स्थानीय जनसमूदायलाई समेत उचित हुने गरी नीति निर्माण गर्नु पर्ने बताए ।

उनले जलवायु परिवर्तनका कारण गत महिनामा मेलम्ची र मनाङमा ठूलो धन जनको क्षति पुगेको बताउँदै आगामी दिनमा यसलाई नियन्त्रण नगरे चुरे क्षेत्रमा यस्तो समस्या देखा पर्ने बताए ।

Advertisement

प्रतिक्रिया