मंगलबार, फागुन २२, २०८०

ठाकुरको रिट न्यायाधीश खतिवडा र चुडालको इजलासमा

मेरोन्यूज २०७८ साउन १५ गते १२:१२

काठमाडौं । जनता समाजवादी पार्टी जसपाका नेता महन्थ ठाकुरले दायर गरेको रिट निवेदनको सुनुवाइ गर्न सर्वोच्च अदालतले पेसी तोकेको छ । सर्वोच्चले न्यायाधीश ईश्वरप्रसाद खतिवडा र डा. कुमार चुडालको संयुक्त इजलासमा सुनुवाइका लागि पेसी तोकेको हो ।

निर्वाचन योगले गरेको निर्णयविरुद्ध जसपा ठाकुर पक्ष सर्वोच्च अदालत गएको थियो । निर्वाचन आयोगले जसपाको आधिकारिकतासम्बन्धी विवाद केन्द्रीय कार्यकारिणी समितिको बहुमतबाट छिनोफानो गर्ने निर्णय गरेको थियो । उक्त निर्णयलाई रोक्न माग गर्दै ठाकुर पक्षले सर्वोच्चमा रिट दर्ता गरेको हो । तर, सर्वोच्चले उक्त रिटमाथि प्रारम्भिक सुनुवाइ गर्दै अन्तरिम आदेश जारी गरिरहन नपर्ने दाबी गरेको थियो ।

यस्तै निर्वाचन आयोगले केन्द्रीय कार्यकारिणी समितिका सदस्यहरूको बहुमतका आधारमा पार्टीको आधिकारिकता उपेन्द्र यादव पक्षलाई दिएको छ । रिटमा ठाकुर पक्षले कार्यकारिणी समितिको विवाद निरूपण नगरी निर्वाचन आयोगले पार्टीको आधिकारिकता यादव पक्षलाई दिएको भन्दै रोक्न माग गरेको छ ।

प्रतिक्रिया