शुक्रबार, फागुन १८, २०८०

जसपाले १६ गते संसदीय दलको नेता चयन गर्ने

मेरोन्यूज २०७८ साउन १४ गते १९:१६

काठमाडौं । जनता समाजवादी पार्टी (जसपा)ले १६ गते संसदीय दलको नेता चयन गर्ने भएको छ । जसपाको विहीबार बसेको केन्द्रीय कार्यकारिणी बैठकले १६ गते शनिबार संसदीय दलको नेता चयन गर्ने निर्णय गरेको छ ।

जसपाले सहमतिमा नेता छान्ने तयारी गरेको छ । यदि सहमति हुन नसकेमा निर्वाचन गर्ने जनाइएको छ । तीन दिनसम्म बसेको बैठकले केही नेताहरुको कार्य विभाजनसमेत गरेको छ । जसअनुसार छानविन समितिको संयोजकमा नवराज सुवेदी, अनुशासन समितिको संयोजकमा नरसिंह चौधरीलाई जिम्मेवारी दिइएको छ ।

यसअघि बसेको बैठकले जसपाको संसदीय दलको विधान पारित गरिसकेको छ । प्रतिनिधिसभामा जसपाका कुल ३२ सांसद (२ जना निलम्बितपछि) छन् । ३२ मध्ये १० जना महन्थ ठाकुर पक्षमा रहेका छन् । २२ सांसदबाट संसदीय दलको नेता चयन गर्नुपर्ने हुन्छ ।

प्रतिक्रिया