शनिबार, फागुन १२, २०८०

झुटो विवरण पेश गरी नागरिकता बनाउने २ जना पक्राउ

मेरोन्यूज २०७८ साउन १४ गते १७:०७


वीरगंज । झुटो विवरण पेश गरी नेपाली नागरिकता लिएको आरोपमा दुई जना पक्राउ परेका छन् ।

प्रहरीले पर्साको बहुदरमाई–२ का ५१ वर्षीय धुरुप प्रसाद पटेल र भारत घर भएका बहुदरमाई–२ मा बस्ने कविता कुमारी भनिने सीता पटेललाई पक्राउ गरेको हो ।

भारतीय नागरिक सीता पटेलले कविता कुमारीको नामबाट जिल्ला प्रशासन कार्यालय पर्साबाट २०७० पुस ११ गते नागरिकता बनाउँदा धुरुप नक्कली बुबा बनेको अनुसन्धानबाट खुलेको थियो । अनुसन्धानको क्रममा वडा प्रहरी कार्यालय श्रीपुरले बिहीबार वीरगंज १३ श्रीपुरस्थित डेराबाट दुवैलाई पक्राउ गरेको हो ।

पक्राउ परेका दुवै जनालाई नागरिकता सम्बन्धी कसूरमा पर्सा जिल्ला अदालतबाट ७ दिन म्याद थपेर अनुसन्धान भइरहेको प्रहरीले जनाएको छ ।

Advertisement

प्रतिक्रिया