मंगलबार, फागुन २२, २०८०

पूर्वमन्त्रीहरुको रिट हेर्न नभ्याइने सूचीमा

मेरोन्यूज २०७८ साउन १४ गते १६:१६

काठमाडौं । सर्वाेच्च अदालतले चार पूर्वमन्त्रीहरुको रिट हेर्न नभ्याइने सूचीमा राखेको छ । बिहीबार सर्वोच्चले उनीहरुको रिटमाथिको सुनुवाइ गर्न दीपककुमार कार्कीको इजलासमा पेसी तोकेको थियो ।

नेकपा एमालेमा प्रवेश गरेको भन्दै नेकपा माओवादी केन्द्रले कारबाही गरेका टोपबहादुर रायमाझी, लेखराज भट्ट, प्रभु साह र गौरीशंकर चौधरीले आफूहरुलाई सांसद पदमा पुनर्वहालीको माग गर्दै सर्वोच्च अदालतमा रिट दर्ता गरेका थिए ।

बुधबार आफूहरु नेकपा एमालेमा प्रवेश नगरेको र हालसम्म माओवादी केन्द्रकै सदस्य रहेको भन्दै सांसद पदमा कायम गरी माग्न उनीहरु सर्वोच्च पुगेका हुन् ।

न्यायाधीश दीपककुमार कार्कीको इजलासमा पेसी तोके पनि लागूऔषधको मुद्दाको सुनुवाइ गर्नु पर्ने भएकाले उनीहरुको रिटमाथि समय अभावका कारण हेर्न नभ्याइने सूचीमा राखेको हो ।

Advertisement

प्रतिक्रिया