मंगलबार, फागुन २२, २०८०

चार पूर्वमन्त्रीको रिटमाथि कार्कीको इजलासमा सुनुवाइ हुँदै

मेरोन्यूज २०७८ साउन १४ गते ११:२३

काठमाडौं । सर्वोच्च अदालतले चार पूर्वमन्त्रीको रिटमा सुनुवाइ गर्न पेसी तोकेको छ । सर्वोच्च अदालतले बिहीबार वरिष्ठतम न्यायाधीश दीपककुमार कार्कीको इजलासमा सुनुवाइ गर्न पेसी तोकेको हो ।

नेकपा एमालेमा प्रवेश गरपछि नेकपा माओवादी केन्द्रले कारबाही गरेका टोपबहादुर रायमाझी, लेखराज भट्ट, प्रभु साह र गौरीशंकर चौधरीको रिटमाथिको सुनुवाइ कार्कीको इजलास हुने भएको छ । उनीहरुले बुधबार सर्वोच्च अदालतमा आफूहरु माओवादी केन्द्रेकै सदस्य रहेको भन्दै सांसद पदमा पुनर्वहालीका लागि अन्तरिम आदेश माग गर्दै रिट दर्ता गरेका छन् ।

रिटमा आफूहरूले दल त्याग नगरेको र निर्वाचन आयोगमा रहेको विवरणमा आफूहरू माओवादी केन्द्रकै सदस्य रहेको उनीहरुले दाबी गरेका छन् । गत चैत २६ मा माओवादी केन्द्रले माओवादी दल त्याग गरी एमालेमा लागेको भन्दै रायमाझी, भट्ट, साह र चौधरीलाई सांसद पदबाट मुक्त गर्न संसद सचिवालयमा पत्र पठाएको थियो । सोही पत्रका आधारमा संसद सचिवालयले उनीहरुलाई सांसद पदबाट मुक्त गरेको थियो ।

आफूहरुलाई सांसद पदबाट मुक्त गर्ने निर्णय संविधान, ऐन र माओवादीको विधानविपरीत भएको भन्दै उनीहरुले सांसद पदमा पुनर्वहालीको माग गर्दै सर्वोच्च अदालतमा रिट दर्ता गरेका छन् ।

Advertisement

प्रतिक्रिया