शनिबार, फागुन १२, २०८०

सत्ता गठवन्धन ५ दलको बैठक वालुवाटारमा जारी, मन्त्री मण्डल विस्तारबारे छलफल

मेरोन्यूज २०७८ साउन १४ गते १०:०३

काठमाडौं । सत्ता गठवन्धन ५ दलको बैठक वालुवाटारमा जारी छ । मन्त्रीमण्डललाई पूर्णता दिने लगायत विषयमा गठवन्धन दलको बैठकमा छलफल भइरहेको छ ।

यसअघि हिजो बसेको बैठकले शक्ति सन्तुलन र सरकारमा सहभागि हुने मन्त्रीको नाम छनोट गर्ने जिम्मा शीर्ष नेतालाई दिएको थियो ।

यस्तै न्युनतम साझा कार्यक्रम चाँडो टुङ्गो लगाउन कांग्रेस महामन्त्री पूर्णबहादुर खड्का नेतृत्वको कार्यदललाई निर्देशन दिएको थियो ।

सत्ता गठवन्धनमा आवद्ध भएपनि एमालेकाे असन्तुष्ट माधव कुमार नेपाल समूहले तत्काल सरकारमा सहभागि हुन नसक्ने जानकारी गराइसकेको छ ।

हिजाेको बैठकमा सहभागि नेपाल समूहका नेताले कानूनी र प्राविधिक कारणले सरकारमा सहभागि हुन नसक्ने जानकारी गराएका हुन् ।

Advertisement

राष्ट्रिय जनामोर्चाले पनि सरकारमा सहभागि नहुने बताएको छ । नेपाली कांग्रेस, माओवादी केन्द्र र जनता समाजवादी पार्टीले क–कसलाई सरकामा पठाउने भनेर अझै निर्णय गर्न सकेका छैनन् । कांग्रेस सभापति देउवाले सरकारको नेतृत्व सम्हालेको १७ दिन भइसकेको छ ।

प्रतिक्रिया