शुक्रबार, फागुन १८, २०८०

एमाले ब्यूँतिएपछि पहिलो पटक सिंहदरवारस्थित दल कार्यलय पुगे ओली

पार्टी सांसदहरुसँग ओलीले भने- म एकताका लागि निक्कै लचिलो छु

माधव नेपालले लिएको बाटो ठिक होइन । त्यसले न उहाँ (नेपाल)लाई राम्रो गर्छ, न पार्टीलाई नै

मेरोन्यूज २०७८ साउन १३ गते २१:११

काठमाडौं । तत्कालिन एमाले र माओवादी एकता सर्वाेच्च अदालतले बदर गरेयता एमाले अध्यक्ष केपी ओली सिंहदरवारस्थित पार्टी संसदीय दलको बैठकमा पुगेका थिएनन । तर उनी वुधबार दिउँसो सिंहदरवारस्थित दलको कार्यलय पुगे । त्यहाँ उनले पार्टीका केही नेता र सांसदहरुसँग छलफल गरे । त्यसपछि फेरि नीजि निवास बालकोट फर्के ।

सिंहदरवारको दल कार्यालयमा पनि ओली लामो समय बसे । नेताहरुसँग निक्कै बेर गफिएर बसे । पार्टीभित्रको आन्तरिक राजनीति, सत्ता गठवन्धनको रणनीति र माधव नेपालले लिन सक्ने स्टेपका बारेमा उनले पार्टी नेता र सांसदहरुसँग कुराकानी गरे ।

ओलीसँग सम्वाद गरेका एक एमाले नेताले मेरोन्यूजसँग भने, ओली पार्टी एकताका लागि निक्कै नै सिरियस जस्तो देखिनु भएको थियो । उहाँ ९ओली०ले एकताका लागि आफु जुनकुनै हदमा पनि लचिलो हुन तयार छु भन्नुभयो ।

तर ओलीले माधव नेपालको पछिल्लो भूमिका र कदमले आफु निक्कै चिन्तित बनेको पनि बताएको ति नेताले बताए ।

Advertisement

‘म लचिलो छु, माधव नेपाल लगायतका नेताले अनुशासनको दायरा नाघेर जाने काम गरे । आफ्नै पार्टीको प्रधानमन्त्री विरुद्ध सर्वाेच्च पुगे । पार्टी ह्वीप नमानेर प्रतिस्पर्धी पार्टीलाई प्रधानमन्त्री बनाउने र विश्वासको मत दिने सम्मको काम गर्ने काम भयो, तैपनि म लचिलो छु, तर माधव नेपाल धेरै टाढा पुगिसकेको देखिएको छ । माधव नेपालले लिएको बाटो ठिक होइन । त्यसले न उहाँ (नेपाल)लाई राम्रो गर्छ, न पार्टीलाई नै । अहिले पार्टीको एकता जोगाउन सवै पक्ष लाग्नुपर्छ,’– ओलीले नेताहरुसँग भने ।


सिंहदरवारमा ओलीले शुरुमा माओवादीबाट एमाले प्रवेश गरेका प्रदेश १ का नेताहरुसँग लामै कुराकानी गरेका थिए । त्यसपछि सांसदहरुसँग छलफलमा बसेका थिए ।

सांसदहरुसँग कुराकानी सकेर अध्यक्ष ओलीले संसदको काम कारबाहीबारे प्रमुख सचेतक विशाल भट्टराईसँग छलफल गरेका थिए । दिउँसो दुई बजे सिंहदरबार पुगेका अध्यक्ष ओली साढे चार बजे सिंहदरबारबाट फर्किएका थिए ।

प्रतिक्रिया