मंगलबार, चैत ६, २०८०

आन्तरिक राजस्व कार्यालय हेटौँडाबाट लक्ष्यभन्दा बढी राजस्व संकलन

मेरोन्यूज २०७८ साउन ९ गते ७:२४

हेटौंडा । आन्तरिक राजस्व कार्यालय हेटौँडा मकवानपुरले गत आर्थिक वर्ष २०७७/७८ मा पाँच अर्ब ५२ करोड ८२ लाख ४८ हजार राजस्व सङ्कलन गरेको छ ।

सो कार्यालयले अघिल्लो आव २०७६/७७ को तुलनामा गत आवमा बढी राजस्व सङ्कलनसमेत गरेको थियो । आव २०७६/७७ मा चार अर्ब ७८ करोड ७३ लाख ४० हजार राजस्व सङ्कलन भएको थियो ।

कार्यालयले लक्ष्यको तुलनामा बढी राजस्व सङ्कलन गरेको कार्यालय प्रमुख शालिकराम आर्चायले जानकारी दिए ।

कार्यालयले गत आव २०७७/७८ मा पाँच अर्ब ३९ करोड ९४ लाख ७३ हजार राजस्व सङ्कलन गर्ने लक्ष्य दिएकोमा त्योभन्दा बढी पाँच अर्ब ५२ करोड ८२ लाख ४८ राजस्व सङ्कलन भएको उनले बताए ।

कोरोना प्रभावले सबै क्षेत्र समस्यामा हुँदा पनि लक्ष्यभन्दा बढी राजस्व सङ्कलन भएकोले कार्य सन्तोषजनक रहेको प्रमुख आचार्यले बताए ।

Advertisement

आव २०७७/७८ को साउनदेखि असार मसान्तसम्ममा आयकरतर्फ ९५ करोड ९१ लाख ३८ हजार लक्ष्य रहेकोमा एक अर्ब नौ करोड ५२ लाख ८३ हजार, बहाल करतर्फ तीन करोड १९ लाख ६३ हजार राजस्व सङ्कलन गर्ने लक्ष्य रहेकोमा दुई करोड ६१ लाख १८ हजार तथा ब्याजकरतर्फ दुई करोड ६१ लाख १८ हजार राजस्व सङ्कलन गर्ने लक्ष्य रहेकोमा चार करोड सात हजार सङ्कलन भएको थियो ।

मूल्य अभिवृद्धिकरतर्फ ९१ करोड ५४ लाख ७९ हजार राजस्व सङ्कलन गर्ने लक्ष्य रहेकोमा एक अर्ब ३२ करोड ३० लाख ७५ हजार सङ्कलन भएको बताइएको छ ।

यसैगरी अन्तः शुल्कतर्फ तीन अर्ब १४ करोड ५४ लाख ६९ हजार राजस्व सङ्कलन गर्ने लक्ष्य रहेकोमा दुई अर्ब ८६ करोड ९० लाख २१ हजार सङ्कलन भएको थियो ।

प्रतिक्रिया