शनिबार, असोज २, २०७८

उपत्यकामा निषेधाज्ञा थपियो: उपत्यका प्रवेशमा खुकुलो, ७ बजेसम्म पसल खोल्न पाउने (पुर्णपाठ)

मेरोन्यूज २०७८ असार ३१ गते १६:५८

काठमाडौं । जारी निषेधाज्ञालाई निरन्तरता दिदैँ उपत्यका बाहिरबाट आएका सार्वजनिक सवारीलाई काठमाडौं उपत्यका प्रवेशमा खुकुलो गरिने निर्णय गरिएको छ । बिहीबार उपत्यकाका प्रमुख जिल्ला अधिकारीहरुले उपत्यका प्रवेसमा खुकलो बनाउने निर्णय गरेका हुन् ।

Advertisement

काठमाडौंका प्रजिअ कालीप्रसाद पराजुली, भक्तपुरका प्रेमप्रसाद भट्टराई र ललितपुरका ढुण्डीप्रसाद निरौला सम्मिलित बैठकले निषेधाज्ञा साउन १० सम्म लम्ब्याउने निर्णय गरेका छन् ।

भिडभाड गर्न नपाउने र एक पटकमा २५ जनासम्म भौतिक दुरी कायम गरेर परिक्षा सञ्चालन गर्न पाउने यसअघिको निर्णयलाई निरन्तरता दिइएको छ ।

अघिल्लो निषेधाज्ञाको तुलनामा यस पटक भने केही परिवर्तन आएको छ । प्रजिअहरुको वैठकको निर्णयले उपत्यकाका विभिन्न खाद्यान्न पसलहरु ७ बजेसम्म खोल्न पाउने र उपत्यका प्रवेसमा खुकुलो बनाईएको जिल्ला प्रशासन कार्यालयका प्रजिअ काली प्रसाद पराजुलीले जानकारी दिए ।

प्रतिक्रिया