शनिबार, असोज २, २०७८

राष्ट्रपतिद्वारा प्रधानमन्त्रीमा देउवा नियुक्त, सपथको तयारी

मेरोन्यूज २०७८ असार २९ गते १३:३७

काठमाडौँ । राष्ट्रपति विद्यादेवी भण्डारीले नेपाली कांग्रेस सभापति शेरबहादुर देउवालाई प्रधानमन्त्री नियुक्त गरेकी छिन् । सोमबार सर्वाेच्च अदालतले संविधानको धारा ७६(५) अनुसार देउवालाई प्रधानमन्त्री नियुक्त गर्न परमादेश जारी गरेको थियो ।

Advertisement

आजै साँझ ५ वजेसम्म प्रधानमन्त्रीमा नियुक्त गर्नै अदालतले भनेको थियो । सोही आधारमा राष्ट्रपतिले देउवालाई प्रधानमन्त्री नियुक्त गरेको राष्ट्रपतिका ष्ट्रपतिका प्रेस सल्लाहकार टिका ढकालले जनकारी दिए ।

‘उहाँ (देउवा)लाई प्रधानमन्त्री नियुक्त गरिसकिएको छ, सम्भवत सोको जानकारी नयाँ प्रधानमन्त्रीलाई पठाइसकिएको छ, सपथको तयारी हुँदैछ,’ ढकालले भने ।

योसँगै देउवा पाँचौंपटक प्रधानमन्त्री भएका छन् । उनी पहिलो पटक २०५२ सालमा प्रधानमन्त्री भएका थिए । त्यसपछि उनी २०५८ साल र २०६१ सालमा प्रधानमन्त्री भएका थिए।

उनी २०७४ सालमा चौथोपटक प्रधानमन्त्री भएका थिए। उनलाई आजै साझसम्म सपथको पनि तयारी राष्ट्रपति कार्यालयले गरिरहेको छ । देउवाले आजै सानो आकारको मन्त्रीमण्डल पनि विस्तार गर्ने तयारी गरेका छन् । अहिले माओवादी केन्द्रका अध्यक्ष प्रचण्डसँगको छलफलपछि मन्त्री बन्नेको नाम टुंग्गो लाग्नेछ ।

सर्वोच्च अदालतमा दायर भएको विपक्षी गठबन्धनको रिटमाथि अन्तरिम आदेश जारी गर्दै अदालतले प्रतिनिधिसभा पुनःस्थापना र सभापति देउवालाई प्रधानमन्त्री बनाउन निर्णय गरेको थियो ।

प्रतिक्रिया