शनिबार, असोज २, २०७८

निस्दी गाउँपालिकाका वडाध्यक्ष सुनारीको मृत्यु

मेरोन्यूज २०७८ असार २९ गते ८:४८


काठमाडौं । पाल्पाको निस्दी गाउँपालिका–४, मित्यालका वडाध्यक्ष न्यो बहादुर सुनारीको मंगलबार बिहान मृत्यु भएको छ ।
सुनारीलाई स्वास्थ्यमा समस्या देखिएपछि सोमबार उपचारका लागि लुम्बिनी मेडिकल कलेज ल्याइएको थियो । ५२ वर्षीय सुनारीलाई केही दिनयता कमजोरी महशुस हुने, खाना अरुचि हुने समस्या देखिएको परिवारले जनाए । स्वास्थ्यमा जटिलता भएपछि उपचारका लागि अस्पताल ल्याइएको हो । मृतक सुनारीको मंगलबार रामपुर नगरपालिकास्थित कालीगण्डकी नदी तटमा अन्त्यष्टी गरिने स्थानीय धनबहादुर ठाडाले जानकारी दिए ।
एमाले जिल्ला सल्लाहकार परिषद सदस्य सुनारी स्थानीय राजनीतिमा लोकप्रिय नेता हुन् । साविकको मित्याल गाविस र दुर्गमका गाउ“मा उनले राजीनितक क्षेत्रमा ठूलो योगदान पु¥याएको एमाले जिल्ला अध्यक्ष नारायण आचार्यले बताए । सदरमुकाम तानसेनदेखि ७० किलोमिटर टाढा दुर्गम बस्तीमा बसेर राजनीतिका साथै शिक्षण पेशामा आवद्ध थिए । शिक्षण पेशाबाट निवृत्त भएपछि उनी राजनीतिमा बढी सक्रिय भएका हुन् । सुनारीले विगतमा इलाका इन्चार्जका साथै जिल्ला कमिटिमा रहेर काम गरेको जिल्ला अध्यक्ष आचार्यले बताए ।

Advertisement

प्रतिक्रिया