शनिबार, असोज २, २०७८

नबिल बैंकसँग गाभियो यूनाईटेड फाइनान्स

मेरोन्यूज २०७८ असार २७ गते १७:५७

काठमाडौँ । नबिल बैंक र युनाइटेड फाइनान्स गाभिएका छन् । नबिल बैंक र युनाइटेड फाइनान्स गाभिएर आईतबारदेखि एकीकृत कारोबार सुरु गरेका छन् ।

Advertisement

आइतबार आयोजित कार्यक्रममा नबिल बैंकका अध्यक्ष बसन्तकुमार चौधरी र युनाइटेड फाइनान्सका अध्यक्ष उपेन्द्रप्रसाद पौड्यालले एकीकृत कारोबार सुरु गरेको जानकारी गराएका हुन् ।

नबिल बैंकका अध्यक्ष चौधरले सरकार तथा नेपाल राष्ट्र बैंककोे नीतिगत व्यवस्थालाई अंगिकार गरी मर्जर तथा प्राप्ति प्रक्रियामा बैंक अगाडि बढेको बताए ।

युनाइटेड फाइनान्सलाई प्राप्ति गरेपश्चात नबिल बैंकको चुक्ता पूँजी १३ अर्व ८४ करोड पुग्नेछ भने कुल पुजीकोष ३२ अर्ब ६८ करोड रुपैयाँ हुनेछ ।

साथै, नबिल बैंकको शाखा सञ्जाल बृद्धि भई १ सय ३५ हुनेछ भने एटीएम संख्या भने १ सय ८३ हुनेछ । निक्षेपको आकार २ अर्ब १६ करोड रुपैयाँ हुनेछ भने कर्जाको आकार २ अर्ब १ करोड रुपैयाँ हुनेछ ।

प्रतिक्रिया