ब्रेकिङ न्यूज : तोडियो ओली-नेपाल संवादहिनता
प्रधानमन्त्री ओली र माधव नेपालवीच मेरियट होटलमा भेटवार्ता
माधव नेपाल मेरियट होटलमा पुगेको केही समयपछि प्रधानमन्त्री केपी ओली पनि होटल पुगेका छन्
काठमाडौं । नेकपा एमालेभित्रको विवाद मिलाउन नेताहरुले गरेको प्रयास पछि प्रधानमन्त्री केपी ओली र माधव नेपालवीच भेटवार्ता भएको छ । नक्सालस्थित मेरियट होटलमा ओली र नेपालका वीचमा भेटवार्ता केही वेर अगाडीबाट शुरु भएको हो ।
माधव नेपाल पहिले होटलमा पुगेका थिए । त्यसको केही वेरपछि प्रधानमन्त्री ओली पनि मेरियट पुगेका थिए । अहिले दुई नेतावीच भेटवार्ता शुरु भएको वालुवाटार स्रोतले बताएको छ ।
वुधबार वसेको कार्यदल बैठकले दुई नेताका वीचमा भेटवार्ताको प्रयास गराउने गरी पहलकदमी लिएपछि ओली र नेपालका वीचमा भेटवार्ता भएको हो । ओली र नेपाल सम्वादमा उपप्रधानमन्त्री समेत रहेका विष्णु पौडेल पनि सहभागी छन् ।
यस अगाडी पनि गत बैखाख ७ र ८ गते होटल मेरिसयटमा ओली र नेपालका वीच दुई चरणमा भेटवार्ता भएको थियो ।
पार्टीभित्रको आन्तरिक विवाद मिलाउन बुधबार वसेको एमाले कार्यदलको बैठकपछि पार्टीभित्रको विवाद समाधानको दिशातिर गएको नेताहरुले प्रतिक्रिया दिएका थिए ।
कार्यदलका नेताहरुले भोलिसम्म सबै समाधान हुने बताएका थिए । पार्टी एकताका लागि विभिन्न तहमा भएका प्रयासहरूलाई ध्यान राख्दै पार्टी अध्यक्ष केपी शर्मा ओली र वरिष्ठ नेता माधवकुमार नेपालसँग परामर्श गर्दै कार्यदल टुंगोमा पुग्न लागेको नेता हरुको प्रतिक्रिया थियो । सोही आधारमा कार्यदलले गरेको छलफलमा केन्द्रीत रहेर अहिले ओली र नेपालका वीचमा मेरियटमा सम्वाद हुन लागेको हो ।
दुइ नेताका वीचमा सकारात्मक छलफल भए भोलि वस्ने कार्यदल बैठकले सवै विषय टुंगो लगाउने बताईएको छ ।
प्रतिक्रिया