शनिबार, असोज २, २०७८

सुजिता शव प्रकरणः पोस्टमार्टमका लागि भरतपुर ल्याउँदै, आफन्तद्वारा राजमार्ग अवरूद्ध

मेरोन्यूज २०७८ असार २१ गते १२:०५

चितवन । १० दिन अगाडि अपहरणमा परेकी राप्ती नगरपालिका वडा नं. ३ की सुजिता भण्डारीको शव फेला परेको छ । चितवनको राप्ती नगरपालिका वडा नम्बर ३ सामुदायीक जंगलमा सडेगलेको अवस्थामा भेटिएको शव भण्डारीकै भएको खुलेको हो ।

Advertisement

उक्त शव सोमबार प्रहरीले पोस्टमार्टमका लागि भरतपुर अस्पताल ल्याउँदैछ । भण्डारीका परिवार र आफन्त तथा स्थानीय बासिन्दाले राजमार्ग अवरूद्ध पारेका छन् । भण्डारी बेपत्ता भएकोबारे प्रहरीलाई खबर गरे पनि समयमै खोजबिन नगरेको आरोप स्थानीयहरूको छ । उनीहरूले पूर्वपश्चिम राजमार्गमा ट्रक तेर्साएर अवरोध गरेका छन् ।

घटना सामसुम पार्न खोजेको आरोप लगाउदै स्थानियले भण्डारीको शव नबुझ्ने बताएका छन् । शव भेटिएको स्थान नजिकै स्प्राइटको बोत्तल फेला परेको छ । उक्त बोत्तलमा पतेरालाई मार्न प्रयोग हुने विषलु औषधि फेला परेको र भण्डारीले सो विष सेवन गरेको हुन सक्ने प्रहरीको अनुमान गरेको छ ।

प्रहरीले अपहरण भएको भन्ने पाटोबाट पनि अनुसन्धान जारी राखेको जनाएको छ । घटनाको अनुसन्धानका लागि सिआईबीको टोली पनि खटिएको छ ।

जिल्ला प्रहरी कार्यालय चितवनका प्रहरी प्रमुख प्रहरी उपरीक्षक (एसपी) ओमप्रसाद अधिकारीका अनुसार भेटिएको शवलाई भण्डारीकै परिवारले पहिचान गरेका हुन ।

प्रतिक्रिया