बुधबार, असोज १३, २०७८

युरोकप फुटबलको सेमिफाइनल समिकरण पूरा

इंग्ल्यान्ड, इटाली, स्पेन र डेनमार्क अन्तिम चारमा

मेरोन्यूज २०७८ असार २० गते १०:१२

काठमाडौं । युरोकप फुटबलको सेमिफाइनल समीकरण पूरा भएको छ ।

Advertisement

युरोपका विभिन्न ११ शहरमा जारी १६औं संस्करणको क्वाटरफाइनलका खेलहरु सकिएसँगै सेमिफाइनल समिकरण पूरा भएको हो । क्वाटरफाइनल अन्तर्गत गएराति युक्रेन र इंग्ल्यान्डबीचको खेलसँगै अन्तिम चारमा पुग्ने टोलीको टुंगो लागेको हो ।

उक्त खेलमा युक्रेनलाई ४–० गोल अन्तरले पराजित गर्दै इंग्ल्यान्ड सेमिफाइनलमा पुग्ने अन्तिम टिम बनेको छ । यस संस्करणमा इंग्ल्यान्ड, इटाली, स्पेन र डेनमार्कले अन्तिम चारमा स्थान बनाएका छन् ।

हिजै भएको अर्को खेलमा चेक रिपब्लिकलाई २–१ गोल अन्तररले पराजित गर्दै डेनमार्क सेमिफाइनल प्रवेश गरेको हो ।

इंग्ल्यान्डको वेम्बली स्टेडियममा हुने सेमिफाइनलको खेल बुधबार र बिहीबार हुनेछ । पहिलो सेमिफाइनलमा इटाली र स्पेन भिड्ने छन् । दोस्रो सेमिफाइनलमा डेनमार्क र इंग्ल्यान्डबीच प्रतिस्पर्धा हुनेछ ।

प्रतिक्रिया