बुधबार, असोज १३, २०७८

बस्तीमा बाढी पस्दा ५ सय घर डुबान

मेरोन्यूज २०७८ असार १९ गते १२:५७

सप्तरी । लगातारको वर्षाका कारण जिल्लाको विभिन्न पालिकाका ५ सयभन्दा बढी घर डुबानमा परेका छन् । हनुमाननगर कंकालिनी नगरपालिकामा सप्तकोसी नदीको सिपेज र वर्षाको पानी निकास नहुँदा ३ सयभन्दा बढी घर डुबानमा परेको छ ।

Advertisement

उक्त नगरपालिकाको वडा नं ९, १०, ११ र १२ का करिब ३ सय घर डुबानमा परेको नगरप्रमुख शैलेशकुमार साहले जानकारी दिए । त्यस्तै त्रियुगा, अमहा, टेंग्रा, गंगाजली र सतरापतरा नदीको पानी बस्तीमा पस्दा सप्तरीको सप्तकोसी नगरपालिकाको वडा नं १, २, ३ र ४ का करिब २ सय घर डुबानमा परेको नगरप्रमुख उत्तम गौतमले जानकारी दिए ।

उनका अनुसार त्रियुगा नदीले वडा नं २ को सिद्धिपुर र वडा नं ३ को सखुवानीमा तटबन्ध कटान गरिरहेको छ ।

प्रतिक्रिया