शनिबार, असोज २, २०७८

युरोकपमा पहिलोपटक भिड्दै स्पेन र स्विजरल्याण्ड

आयुश राठौर २०७८ असार १८ गते १६:५८

काठमाडौँ । युरोकपको क्वाटरफाइनलमा पहिलो खेल स्पेन र स्विजरल्याण्डबीच हुँदै छ । यी दुई देशबीच आज शुक्रबार राति ९ः४५ बजे रुसको सेन्ट पिटर्सवर्ग स्टेडियममा खेल हुने भएको हो ।

Advertisement

स्पेन र स्विजरल्याण्डको खेल सेमिफानल प्रवेशका लागि निर्णयक खेल हुनेछ । यो खेलमा विजय भए सेमिफाइनल प्रवेश गर्नेछ भने पराजित हुने बाहिरिने छ । जसले गर्दा दुवै देश तीव्र प्रतिस्पर्धामा जाने देखिन्छ ।

स्विजरल्याण्डले साविक उपविजेता फ्रान्सलाई पेनाल्टी सुटआउटमा ५–४ गोलको अन्तरले पछि पार्दै क्वाटरलाइनल प्रवेश गरेको हो भने, स्पेनले क्रोएसियालाई ५–३को अन्तरले हराउँदै क्वाटरफाइनल प्रवेश गरेको हो ।

यसपाली स्पेनविरुद्धको खेलमा स्विट्जरल्याण्डका कप्तान ग्रानिट जाकाले खेल्ने छैनन् । लगातार दुई खेलमा पाएको पहेलो कार्डका कारण उनी स्पेनविरुद्धको खेलमा मैदानमा उत्रने नपाउने भएका हुन् । स्विट्जरल्याण्डविरुद्धको खेलमा मैदान उत्रिँदा स्पेनिस टिमलाई चोटले सताउने छैन । प्रशिक्षक इन्रिकेले भन्छन्, ‘खेलाडीहरू पूर्ण फिट छन् ।’

युरोपियन च्याम्पियनसिपमा स्विट्जरल्याण्ड र स्पेनबीच पहिलोपटक प्रतिस्पर्धा हुन लागेको हो । विश्वकपमा भने दुई टिमबीच तीनपटक खेलेका छन् । जसमा स्पेनले दुई जित निकाल्दा एक जित स्विट्जरल्याण्डले निकाल्न सफल भएको थियो ।

अहिलेसम्म दुई टिमबीच २२ खेलमा प्रतिस्पर्धा भइसकेको छ । जसमा स्पेनले १६ खेल जितेको छ भने एक खेल स्विट्जरल्याण्डले जितेको छ । बाँकी पाँच खेल बराबरी रोकिएको छ ।

आयुश राठौर

मेरोन्युजकर्मी राठौर खेलकुद र कला सम्बन्धी विषयमा कलम चलाउँछन् ।

प्रतिक्रिया