आइतबार, साउन १०, २०७८

प्रदेश १, वाग्मती र लुम्बिनी प्रदेशमा भारी वर्षा हुने, सतर्क रहन निर्देशन

मेरोन्यूज २०७८ असार १३ गते ७:१९

काठमाडौं । जल तथा मौसम पूर्वानुमान महाशाखाले सातमध्ये तीन प्रदेशमा भारी वर्षाको सम्भाबना रहेको भन्दै सचेत र सर्तक हुन आग्रह गरेको छ । मौसम पूर्वानुमान महाशाखाले प्रदेश १, वाग्मती र लुम्बिनी प्रदेशमा सतर्क रहन आग्रह गरेको हो ।

Advertisement

यि तीन प्रदेशमा भारी वर्षा हुन सक्ने, बाढी तथा पहिरो आउन सक्ने, नदीनाला तथा खहरेमा पानीको बहाब बढ्न सक्ने भन्दै सतर्क रहन आग्रह गरेको हो।
उक्त प्रदेशहरुको पहाडी भू–भागमा पहिरो तथा गेग्रान बहावको जोखिम रहेको, नदीनाला तथा खहरे खोलाहरुमा पानीको सतह बढ्न सक्ने तथा यातायात क्षेत्र प्रभावित हुन सक्ने भएकोले आवश्यक सतर्कता अपनाउनु हुन अनुरोध पनि महाशाखाले गरेको छ।

‘देशभर मनसुनी वायुको प्रभाव रहेको छ,’ पूर्वानुमान महाशाखाले भनेको छ, ‘हाल देशको दक्षिणी भू–भाग नजिक मनसुनी न्युन चापिय रेखा रहेको छ।’

मौसम पूर्वानुमान महाशाखाका अनुसार हाल देशभर सामान्यदेखि पूर्ण बदली रही बागमती तथा प्रदेश नं १ को थोरै स्थानहरुमा हल्का देखि मध्यम वर्षा भईरहेको छ।

आज दिउसो र रातिमा देशभर सामान्यदेखि पूर्ण बदली रहनेछ। देशका धेरै स्थानहरुमा हल्कादेखि मध्यम वर्षाको सम्भावना रहेको महाशाखाले जनाएको छ। ‘प्रदेश नं १, बागमती र लुम्बिनी प्रदेशका एक वा दुई स्थानमा मेघगर्जन÷चट्टयाङ्गसहित भारी वर्षाको सम्भावना रहेको छ,’ महाशाखाले भनेको छ।

Advertisement

प्रतिक्रिया