बिहीबार, चैत १५, २०८०

आजको राशिफल : आषाढ १३ गते आइतबार

ज्यो. दिवाकर पन्त २०७८ असार १३ गते ६:३२

आज २०७८ साल आषाढ महिनाको १३ गते आइतबार, आषाढ कृष्णपक्षको तृतीया तिथि

मेष
मनमा अत्यन्त उदासिनता बढ्ने हुँदा खुशी तथा दुःख दुबैमा आँखाबाट आँशु आउने हुन जाने छ । पानी, आइसक्रिम, दुग्ध पदार्थ, चिसो पेय पदार्थ, मदिरा जस्ता व्यवसायमा संलग्नहरुलाई समय प्रतिकुल छ । पेशागत जीवन औसत रहन खोजेता पनि पेशा व्यवसायको विषयलाई लिएर मनमा पिर थपिने छ ।

वृष
पेशागत जीवन अनुकुल रहँदा समेत आफुलाई भाग्यले साथ नदिएको जस्तो आभाष भइ रहने छ । चतुरतामा बृद्धि हुने भएता पनि रिस कडा हुने हुँदा कतिपय कामहरु बिग्रिन पुग्ने छन् । हार्डवेयर, निर्माण सामग्री, कल कारखाना, स्टेसनरी, शिक्षा क्षेत्र आदीमा संलग्नहरुलाई समय अनुकुल रहने छ ।

मिथुन
दृढ व्यक्तित्व हुने छ । तर पारीवारिक जीवनमा कटुताले द्वन्द निम्त्याउने छ । निराशाजनक विचार मनमा आउने हुँदा यस विषयमा सतर्क रही सकारात्मक विचारबारे मन केन्द्रीत गर्दा उपयुक्त हुने छ । मनमा उदासिताले निकै सताउने छ । आयात निर्यात तथा पर्यटन क्षेत्रमा आवद्धहरुलाई समय चुनौतिपूर्ण देखिन्छ ।

कर्कट
मनोबल कमजोर भएको व्यक्तित्व हुने छ भने शरीरिक कमजोरीले सताउने छ । साझेदारीमा गरिएका काममा समस्या देखा पर्न जाने छ । पेशागत जीवनमा विभिन्न समस्याहरु देखा पर्न जाने भएकाले धैर्यतासाथ पाइला चाल्नु होला । होटल, रेष्टुरेण्ट, सुरक्षा निकाय, सर्जरी, खेल जगत जस्ता क्षेत्रमा सक्रियहरुलाई समय प्रतिकुल रहने छ ।

Advertisement

सिंह
मनमा दुविधा अत्याधिक आउन जाँदा निर्णय क्षमतामा कमि आउने छ । पेशागत जीवन र आम्दानीमा केही सकारात्मक नतिजा देखा पर्ने छ । राजनीति, व्यवस्थापन, किराना पसल, वकालत, शिक्षा क्षेत्रमा आवद्धहरुलाई फाइदा मिल्ने छ । दाम्पत्य जीवनमा द्वन्द र बादबिबाद देखा पर्ने भएकाले सतर्क भएर अघि बढ्दा उचित हुने छ ।

कन्या
आम्दानीमा गिरावट आउँदा त्यसले मनमा र आन्तरिक चतु¥याईँमा नकारात्मक असर पार्ने छ । शिक्षा क्षेत्र, अध्यापन, शिक्षण, स्टेसनरी जस्ता व्यवसायमा संलग्नहरुलाई फाइदा मिल्ने छ । भाग्यको साथ रहेकाले कतिपय विषय वस्तु बिग्रिन खोजे जस्तो हुँदा हुँदै पनि सकारात्मक नतिजा दिने तर्फ ढल्कन जाने छन् ।

तुला
पेशागत जीवन अस्थिर बन्न पुग्ने छ । ठेक्कापट्टा, निर्माण, साहसिक व्यावसायका क्षेत्रहरुमा सक्रियलाई समय चुनौपूर्ण रहेको छ । सेवा क्षेत्रमा रहेकाहरुलाई समय धेरै प्रतिकुल नबने पनि व्यावसायमा रहेकाहरुलाई भने बढि जोखिमपूर्ण समय सक्रिय रहेकाले सतर्क भइ पाइला चाल्नु होला । भाग्यहिनताको आभाष हुन जाने छ ।

वृश्चिक
भाग्यको साथ रहेको छैन् । त्यसैले गर्दा मेहनत अनुसारको प्रतिफल नआउँदा यसले कर्मप्रति निराशाजनक भाव बढाउने हुँदा धैर्य भएर कर्म गर्न भने नछोड्नु होला । ट्राभल्स एजेन्सी, पर्यटन, राजनीति, किराना पसल, ठेक्कापट्टा आदी जस्ता क्षेत्रमा सक्रियहरुलाई समय प्रतिकुल छ ।

धनु
मनोबल कमजोर हुने छ । बोलीमा कडापन देखा पर्ने भएकाले यस बारेमा सचेत रहनु होला । रक्तचाप तथा शारीरिक अवस्थामा असन्तुलन देखा पर्ने छ । अध्ययन अध्यापनमा मन जाने छैन् । पारीवारिक जीवनमा सकारात्मकता थपिने छ । शारीरिक परिश्रम गर्ने क्षेत्रमा आवद्धहरुले सचेत रहनु पर्ने समय रहेको छ ।

मकर
दृढताले भरिएको व्यक्तित्व हुने छ । रिस कडा उत्पन्न हुने भएकाले रिस नियन्त्रणमा विशेष ध्यान दिनु होला । दाम्पत्य जीवनको विषयमा मनमा चिन्ता बढ्न पुग्ने छ । पेशागत तथा व्यावसायिक जीवनका यात्रा उतार चढावपूर्ण देखिन्छ । साझेदारीमा गरिएका काममा गम्भीर समस्या देखा पर्ने भएकाले बेलैमा सचेत भएर अघि बढ्नु होला ।

कुम्भ
समय प्रतिकुल रहेकाले धैर्यता नगुमाई पाईला चाल्नु होला । मनमा उदासिनता बढ्न जाने छ । पेशागत जीवनमा अस्थिरता आउने छ । प्रतिष्पर्धीले धेरै पेल्ने छन् । मनोबलमा कमजोरी देखा पर्ने छ भने शारीरिक रुपमा पनि कमजोरीहरु देखा पर्न जाने छन् । पेशागत र व्यावसायिक जीवनमा जोखिमपूर्ण कदम नचाल्नु होला । जीवनसाथिको साथ लिएर काम गरेमा केही राहत अवश्य मिल्ने छ ।

मीन
आम्दानीका विषयमा मनमा असन्तोष बढ्ने देखिन्छ । अध्ययनमा पटक्कै मन जाने छैन् । भित्रि बुद्धिको सक्रियतामा भारी गिरावट आउने छ । सोचेको जति आम्दानी नभए पनि आम्दानीको अवस्था निराशाजनक पनि हुने छैन् । भाग्यहिनताको महशुस हुने हुँदा कर्मको मात्रा बढाउनु पर्ने छ । पेशागत जीवनमा धैर्य भएर पाइला चाल्नु होला ।

(गुरु पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क –९८१३६३७२३८)

ज्यो. दिवाकर पन्त

ज्यो. पन्त ज्योतिषी, वास्तु, रत्न एवं हस्तरेखाविद् हुन् । सम्पर्क– ९८१३६३७२३८

प्रतिक्रिया