मंगलबार, साउन १९, २०७८

कांग्रेस १४औं महाधिवेशनको संघारमा

कांग्रेसका तीन नेताको सन्देश : एउटै टिम बनाएर अघि बढ्न सकारात्मक छौं

मेरोन्यूज २०७८ असार ११ गते १३:५३


काठमाडौं । नेपाली कांग्रेसमा सभापतिका आकांक्षी नेतात्रय विमलेन्द्र निधि, शशांक कोइराला र प्रकाशमान सिंहले सम्वादलाई निरन्तरता दिने जनाएका छन् । हामी एकै ठाउँमा छौं र हाम्रो बीचमा सहमति हुने प्रवल सम्भवाना रहेकाे शशांक महामन्त्री कोइरालाले बताए ।

Advertisement

अब पार्टीलाई एक जुट बनाएर अगाडी कसरी बढ्ने भनेर छलफल भएको उनले जानकारी दिए । उनले भने ,‘आगामी निवार्चनमा हामी एक जुट भएनौँ भने त फेरी पार्टी धारासायी हुन्छ । हामी तीन जना एकै स्थानमा रहेका छौँ ,अब हामी निर्णय गछौँ ,को के मा लड्ने भने ।’

उपसभापति विमलेन्द्र निधीले भने, ‘हामीबीच भइरहेको समन्वयलाई देशभरका साथीहरुले राम्रो प्रतिक्रिया दिनुभएको छ । हाम्रो पहलमा सबै खुसी छन् ।’ अलग अलग गुटको हामी एक ठाउँमा बस्नु भनेको नयाँ गुट बनाउँन हैन् गुट तोड्न बसेको उनको भनाई छ । हामीहरु क्रमस छलफलकै रहने उनले जानकारी दिए । नेपाली कांग्रेस पार्टी नयाँ जिम्मेवार बन्ने भनेमा सोचेर हामी अगाडी बढेको उनले जानकारी दिए ।

अब तपाईंहरु एउटै टिम बनाएर जाने हो भन्ने सञ्चारकर्मीहरुको प्रश्नमा पूर्वमहामन्त्री प्रकाशमान सिंहले त्यसका लागि सकारात्मक छलफल भइरहेको बताए । उनले भने, ‘समय आएपछि त्यो हुन्छ । एक–दुई सिटिङमा नै सबै कुरा फाइनल हुँदैन । हामी सकारात्मक दिशातिर गइरहेका छौं । यो छलफललाई निरन्तरता दिनेछौं ।’

यद्यपि कसको नेतृत्व भन्नेबारे सहमति हुन समय लाग्ने उनको भनाई छ । अहिले सकारात्मक रुपमा हामीहरु अगाडी बढ्ने उनले जानकारी दिए । उनले आफूहरुमाथि परिवारवादलाई प्रश्रय दिएको आरोप खारेज गरे । यी तीन नेताहरु सोमबार उपसभापति निधिको निवासमा यसअघि छलफल गरेको थियो ।

Advertisement

भने आज शुक्रबार महामन्त्री शशांक कोइरालाको निवास महाराजगञ्जमा भेला भएका छन् । भेटमा पार्टीको आसन्न १४औं महाधिवेशनका साथै राष्ट्रिय राजनीतिबारे छलफल भएको बताइएकाे छ । निधी, सिंह र कोइराला तीनै नेता नेपाली कांग्रेसका तीन हस्तिका छोराहरु हुन् ।

प्रतिक्रिया