मंगलबार, असार ५, २०८१

बजेटबारे कांग्रेसको निष्कर्ष : कोरोनाबाट अर्थतन्त्र उकास्ने योजना सारेन

मेरोन्यूज २०७८ जेठ १७ गते १५:०५

काठमाडौँ । प्रमुख प्रतिपक्षी नेपाली कांग्रेसले सरकारले बजेटमा कुनै नयाँ कार्यक्रम नसमेटेको निष्कर्ष निकालेको छ । सोमबार संसदीय दलको कार्यालयमा पत्रकार सम्मेलनमा बोल्दै नेता मिनेन्द्र रिजालले सरकारले देखिने मूर्त, ठोस उपलब्धीबिना नै ऋण भार बढाएको बताए ।

Advertisement

उनका अनुसार मौजुदा सरकारले कार्यकाल सुरु गर्दा ८ अर्ब ऋण रहेकोमा अहिले बढेर झण्डै १६ अर्ब पुगे छ । अर्को वर्ष ३० प्रतिशतले खर्च बढाउने देखिएको छ । सरकारले बजेट बनाउँदा गत वर्षजस्तो बजेट बनाएर जनतालाई निरास बनाएको उनले टिप्पणी गरे ।

“कोरोनाबाट अर्थतन्त्र उकास्न कुनै योजना अघि सारेको देखिदैन,” उनले भने, “जनता कोरोनाको महामारीको चपेटामा छन्, रोजगारी गुम्ला भन्ने तनावमा छन्, तर प्रधानमन्त्री ओली भने देशमा यति ठूलो विकास भएको छ भनेर बसेका छन् ।”

सरकारले हचुवाका भरमा केही कार्यक्रम सुरु गरेको र त्यसले दीर्घकालीन रूपमा प्रभाव नपार्ने कांग्रेसको निष्कर्ष छ ।

प्रतिक्रिया