बुधबार, असार ५, २०८१

महिलामाथिको हिंसामा क्षम्य हुँदैन : प्रधानमन्त्री ओली

मेरोन्यूज २०७८ जेठ १६ गते १५:१२

काठमाडौँ । प्रधानमन्त्री केपी शर्मा ओलीले महिलामाथि हुने हिंसा क्षम्य नहुने बताएका छन् । तेस्रो राष्ट्रिय महिला अधिकार दिवसको अवसरमा आइतबार बालुवाटारमा भएको कार्यक्रमलाई सम्बोधन गर्दै उनले यस्तो बताएका हुन् ।

Advertisement

‘महिला हिंसा, बलात्कार, कुटपिट, अपमान, गालीबेइज्जती, कूप्रथा र कूचलनविरूद्ध संघर्ष जारी छ,’ प्रधानमन्त्री ओलीले भने, ‘हाम्रा आमा दिदी बहिनीहरूलाई बोक्सीको आरोप लगाउने जस्तो भ्रम र अन्धविश्वास छ, जानीजानी स्वार्थ, अहंकार र पछौटेपन जे भए पनि क्षम्य हुन सक्दैन ।’

सरकारले बलात्कार र एसिड आक्रमणका विरूद्ध कानुन निर्माण गरेर काम गरिरहेको प्रधानमन्त्री ओलीले बताए । उनले भने, ‘महिलालाई पुरुषहरूले सकारात्मक सहयोग गर्नुपर्छ । समान अवसर, साथ सहयोग र हौसला दिनुपर्छ । महिला हकअधिकारको आन्दोलन उनीहरूको मात्र हो भनेर पुरूषले सोच्नु हुँदैन ।’

प्रतिक्रिया