काठमाडौं । सरकारले मेड इन नेपाल र मेक इन नेपाल अभियान लाई साथ दिने भएको छ । सो अभियानलाई सरकारकाे कार्यक्रमको रुपमा प्रस्तुत गर्दै अर्थमन्त्री विष्णु पौडेलले विभिन्न स्वदेशी उद्योगलाई बिभिन्न प्रकारका सहुलियत तथा सुविधा उपलब्ध गराइने बताए ।

स्वदेशी वस्तु तथा सेवाको प्रचारप्रसार तथा प्रवर्द्धनका लागि निजी क्षेत्रका उद्योगी व्यवसायीहरुले मेक इन नेपाल स्वदेशी अभियान सुरु गरेका थिए । यही अभियानलाई साथ दिने गरी सरकारले आगामी आर्थिक वर्षको बजेटमा नै मेड इन नेपाल, मेक इन नेपाल अभियान सुरु गरेको हो ।

अर्थमन्त्री पाैडेलले सिमेन्ट, छड फलामलगायत उत्पादनमा आत्मनिर्भर हुँदै निर्यातको लागि प्रोत्साहन गरिने बताए । स्वदेशमै उत्पादन हुने घरेलु तथा मझौला उद्योग व्यवसायीलाई प्रोत्साहन गर्न भर्चुअल ट्रेड सो कार्यक्रमको आयोजना गरिनेसमेत उनले बताए ।