आइतबार, असार १२, २०७९

राष्ट्रपति भण्डारी र चिनियाँ समकक्षीबीच फोन वार्ता, खोप खरिदमा सहजीकरण गरिदिन आग्रह

मेरोन्यूज २०७८ जेठ १२ गते १७:०९

काठमाडौँ । राष्ट्रपति विद्यादेवी भण्डारी र चिनियाँ राष्ट्रपति सी जिनपिङबीच टेलिफोन वार्ता भएको छ । फोन वार्तामा राष्ट्रपति भण्डारीले चिनियाँ समकक्षी सीलाई कोरोना भाइरस (कोभिड–१९) विरुद्धको खोप खरिद प्रक्रियामा सहजीकरण गरिदिन अनुरोध गरेकी छन् ।

बुधबार दुई राष्ट्रपतिबीच भएको कुराकानी करिब ४० मिनेटसम्म भएको राष्ट्रपति कार्यालयले जनाएको छ । कुराकानीमा कोभिड–१९ बाट नेपाली जनताको जीवन रक्षा गर्नु आफ्नो दायित्व बनेकाले आवश्यक पर्ने मात्रामा चीनबाट खोप खरिद गर्न सहजीकरण गरिदिन राष्ट्रपति भण्डारीले आग्रह गरेको जनाइएको छ ।

‘कोरोनाविरुद्धको खोप खरिद प्रक्रियामा सहजीकरण गरिदिन म महामहिम राष्ट्रपतिलाई आग्रह गर्दछु’ राष्ट्रपति भण्डारीले चिनियाँ राष्ट्रपतिसँगको कुराकानीमा भनेकी थिइन् ।

प्रतिक्रिया