शुक्रबार, असार १७, २०७९

अक्सिजन सिलिण्डर हराएपछि मन्त्रालयले भन्यो : जहाँबाट ल्याएको हो, त्यही फिर्ता गर्नुहोस्

मेरोन्यूज २०७८ जेठ १२ गते १२:२१

काठमाडौँ । स्वास्थ्य तथा जनसंख्या मन्त्रालयले जुन अस्पताल वा कम्पनीबाट अक्सिजन सिलिण्डर लिएको हुन्छ सोही संस्थालाई सिलिण्डर बुझाउन अनुरोध गरेको छ ।

मन्त्रालयले एक सूचना जारी गर्दै पछिल्लो केही दिनयता अस्पतालहरूमा सहज भएको अक्सिजन आपुर्ति तथा व्यस्थापन गर्न सिलिण्डर अपुग हुँदा समस्या हुने भन्दै यस्तो अनुरोध गरेको हो । अक्सिजन सिलिण्डरहरू समयमा सम्बन्धित अस्पताल तथा उद्योगमा नपुग्दा भर्न नपाएर आगामी दिनमा पुनः पहिलाकै समस्या आउने खतरा बढेको भन्दै फिर्ता गर्न अनुरोध गरेको हो ।

एउटा अस्पताल वा उद्योगको अक्सिजन सिलिण्डरहरू अन्यन्त्र पुग्ने क्रम अत्यधिक बढिरहेको मन्त्रालयले जनाएको छ । व्यक्ति संघ संसस्थाहरूले व्यक्तिगत, आइसोलेसन केन्द्र र अस्पतालहरूमा प्रयोगका लागि विभिन्न तरिकाले लगेका अक्सिजन सिलिण्डर समयमै जुन कम्पनी वा अस्पतालको हो सोहीलाई फिर्ता गर्न अनुरोध गरेको मन्त्रालयका सह प्रवक्ता समीर अधिकारीले जानकारी दिए ।

प्रतिक्रिया