आइतबार, असोज ३१, २०७८

भारतीय भेरियेन्टविरुद्ध फाइजर र एस्ट्राजेनेका खोप प्रभावकारी

मेरोन्यूज २०७८ जेठ ११ गते ७:३०

काठमाडौं । अमेरिकाको फाइजर र अक्स्फोर्ड एस्ट्राजेनेकाको उत्पादन गरेको खोप भारतमा उत्पन्न भेरियेन्ट विरुद्ध उच्च रुपमा प्रभावकारी रहेको नयाँ अध्ययनले देखाएको छ । यी खोपहरुको दुई डोज लगाएपछि त्यसले भेरियेन्ट विरुद्ध काम गर्न सक्ने नयाँ अध्ययनले देखाएको हो ।

Advertisement

‘पब्लिक हेल्थ इङ्ल्यान्ड’ का अनुसार ती खोपको प्रयोग गर्नुले संक्रमितलाई गम्भीर बिरामी भई अस्पताल भर्ना हुनबाट र मृत्युबाट जोगाउने देखाएको छ । बेलायती स्वास्थ्य सचिव म्याट हेनककले खोपले नै महामारीबाट सबैलाई बाहिर निकाल्न सक्ने बताउँछन् । यसमा खोपको दुवै डोज लगाउन महत्वपूर्ण भएको बताए ।

अमेरिकाको फाइजर खोप, दोस्रो डोजको दुई हप्तापछि भारतीय भेरियेन्टबाट उत्पन्न लक्षणजन्य रोग विरुद्ध ८८ प्रतिशत प्रभावकारी मानिएको छ । यता बेलायतमा फेला परेको भेरियेन्टबाट चाहिँ यसले ९३ प्रतिशत सुरक्षा दिलाउने बताइएको छ ।

त्यस्तै एस्ट्राजेनेका खोप पनि भारतीय भेरियेन्ट विरुद्ध ६० प्रतिशत प्रभावकारी पुष्टि भएको छ । पीएचइका अनुसार एस्ट्राजेनेका खोपलाई अधिकतम प्रभावकारीताको बिन्दुसम्म पुग्न केही लामो समय लाग्ने गर्दछ । नयाँ भेरियेन्टले खोपलाई छल्न सक्ने क्षमता थोरै स्तरमा वृद्धि हुनुले पनि यसको संक्रमकता सम्बन्धी ठूलो चिन्ता उत्पन्न गराएको छ ।

नेपालमा पनि पछिल्ला समय भारतिय भेरियेन्ट तिब्र रुपमा फैलिएको छ । जसले गर्दा सिकिस्त हुने बिरामीको संख्यामा पनि बृद्धि भएको बिज्ञहरु बताउँछन् । बिबिसी

प्रतिक्रिया