बुधबार, कार्तिक १०, २०७८

चीनमा ५० करोड बढीले लगाए कोरोनाबिरुद्धको खोप,अरु देशमा कति ?

मेरोन्यूज २०७८ जेठ १० गते ९:०३

काठमाडौं । कोरोनाभाइरस महामारी शुरुमा देखिएको चीनमा कोभिड–१९ विरुद्ध खोप करिब ५० करोड डोज खोप लगाइएको छ । चीनको राष्ट्रिय स्वास्थ्य आयोगका अनुसार शनिबारसम्म देशभर ४९ करोड ७२ लाख ७० हजार डोज खोप दिइएको जनाएको छ । विश्वमा खोप लगाउने अभियानमा हाल चीन अग्रस्थानमा छ ।

Advertisement

कोभिड–१९ का लक्षणहरु चीनका केही स्थानमा देखिएपछि हाल दैनिक झण्डै एक करोड ५० लाखका दरले खोप लगाउने अभियान सञ्चालन भइरहेको आयोगले जनाएको छ । चीनले आफ्नै देशका सिनोफार्म कम्पनीले उत्पादन गरेका खोपहरु लगाइरहेको छ ।

विश्वभर करिब एक अर्ब ६० करोड डोज खोप लगाइएको छ । संयुक्तराज्य अमेरिकामा करिब १६ करोड तथा भारतमा करिब १५ करोड व्यक्तिले कम्तीमा एक डोज खोप पाएका छन् ।
त्यस्तै, ब्राजिलमा तीन करोड ८२ लाख, संयुक्त अधिराज्यमा तीन करोड ७५ लाख, जर्मनीमा तीन करोड ३२ लाख, फ्रान्समा दुई करोड २१ लाख, इटालीमा दुई करोड तथा क्यानडामा एक करोड ८७ लाखले खोप लिएका छन् ।

यता, नेपालमा पनि कोरोनाविरुद्ध खोपको पहिलो डोज २१ लाख १३ हजार ८० जनाले लिएका छन् भने दोस्रो डोज ५ लाख ३१ हजार ५६८ जनाले लगाईसकेका छन् । बिबिसी

Advertisement

प्रतिक्रिया