बुधबार, कार्तिक १०, २०७८

संसद विघटन गरेर चुनावको घोषण गर्नु प्रतिगमन भाग-२ हो, डटेर प्रतिवाद गरौं : माधव नेपाल

मेरोन्यूज २०७८ जेठ ८ गते ९:१८

काठमाडौं । नेकपा एमालेका नेता माधवकुमार नेपालले षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको बताएका छन् ।

Advertisement

शनिबार बिहान सामाजिक सञ्जाल फेसबुकमार्फत प्रतिगमन दोहोरिएको टिप्पणी पनि गरेका हुन् । नेता नेपालले संसद् विघटन गरेर चुनावको घोषण गर्नु प्रतिगमन भाग २ भएको पनि बताएका छन् ।

संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उदघोष जालझेल भएको र यो व्यवस्था नै कू गर्ने अग्रसरता रहेको उनको दाबी छ ।

मध्यरात राष्टपतिबाट प्रधानमन्त्रीमा दावी गरेका केपी ओली र शेरवहादुर देउवा दुवैका दावीलाई आधार नपुगेको जिकिर गरी प्रधानमन्त्री नियुक्तिको आधार नदेख्नु, मध्यरात नै प्रधानमन्त्री ओलीले मनित्रपरिषद्को बैठक बोलाएर संसद विघटनको सिफारिस गर्नु र मनित्रपरिषदकै सिफारिसमा कात्तिक २६ र मंसिर ३ मा चुनावको मिति घोषणा गर्ने काम भएपछि नेता नेपालको यो टिप्पणी गरेका हुन् ।

,“षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको छ। प्रतिगमन दोहोरिएको छ ।संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उदघोष जालझेल हो । यो व्यवस्था नै कू गर्ने अग्रसरता हो । शीतल निवासले संविधानको मर्मलाई कुठाराघात गरेको छ । यो प्रतिगमन भाग २ हो । केपी ओलीको यो कदमको भर्त्सना गर्दछु । यसको प्रतिवाद डटेर गर्न आह्वान गर्दछु ”नेता नेपालले टिप्पणी गदै लेखेका छन् ।

Advertisement

प्रतिक्रिया