बुधबार, कार्तिक १०, २०७८

मेरै पार्टीका सांसदले मत नदिई धोका दिए : प्रधानमन्त्री ओली

मेरोन्यूज २०७८ जेठ ७ गते १३:२०

काठमाडौँ । प्रधानमन्त्री केपी शर्मा ओलीले आफूलाई आफ्नै पार्टीका नेताहरूले सरकार चलाउन नदिएको बताएका छन् । शुक्रबार पत्रकार सम्मेलनमा बोल्दै उनले आफूले नेतृत्व गरेको सरकार ढाल्नलाई आफ्नै पार्टीका सांसदहरूले धोका दिएको बताएका हुन् ।

Advertisement

‘धज्जी उडाएर अलोतान्त्रिक कार्यहरू संसदभित्र पसाइए, ममाथि विश्वासको मत आएन, आफ्नै पार्टीका केही सांसदहरूले पार्टीको ह्विप नमानेर मलाई विश्वासको मत हालेन,’ प्रधानमन्त्री ओलीले भने, ‘यस्तो अवस्थामा मैले सरकार बनाउन सक्ने अवस्था रहेन, नयाँ सरकार बनाउनुहोस्, होेइन भने मलाई समर्थन गर्नुहोस्, मैले प्रतिनिधिसभा विघटन गर्ने काम हुँदैन ।’

प्रधानमन्त्री ओलीले आफूले नेपाली कांग्रेसका सभापति शेरबहादुर देउवालाई फोन गरेर नयाँ सरकार बनाउन आग्रह गरेको बताए । उनले भने, ‘मैले देउवालाई फोन गरेर नयाँ सरकार बनाउन आग्रह गरेँ, कि राष्ट्रिय सरकार बनाउन मलाई सहयोग गनुहोस् भनेँ ।’

यस्तै, प्रधानमन्त्री ओलीले राष्ट्रपतिलाई महाअभियोग लगाउने कुरा पार्टीहरूको एक कुण्ठा मात्रै भएको बताएका छन् । उनले राष्ट्रपतिको आलोचना गर्नु भनेको गणतन्त्रको विरोध गरेको बताए ।

यो पनि पढ्नुहोस् : मैले सरकार चलाउन सक्ने अवस्था रहेन : प्रधानमन्त्री

Advertisement

प्रतिक्रिया