बिहीबार, साउन २६, २०७९

चार्टर उडानबाट नेपाली पनि विदेश जान पाउने, भाडा महंगो पर्ने

मेरोन्यूज २०७८ जेठ ७ गते ७:३३

काठमाडौं। अन्तरराष्ट्रिय चार्टर उडानबाट अब नेपाली नागरिक पनि विदेश जान पाउने भएका छन् । चार्टर उडानका लागि अनुमति पाएका स्वदेशी तथा विदेशी विमानहरूबाट विदेशी नागरिकका साथसाथै नेपाली नागरिक पनि विदेश प्रस्थान गर्न सक्ने गरी संकृति, पर्यटन तथा नागरिक उड्डयन मन्त्रालयले बुधबार नै परिपत्र जारी गरेको छ ।

अहिले चार्टर उडान गर्नेमा नेपालको राष्ट्रिय ध्वजावाहक विमान नेपाल एयरलाइन्स, निजीक्षेत्रको हिमालय एयरलाइन्स रहेका छन् भने विदेशी विमानमा कतार, टर्किशलगायत रहेका छन् । उनीहरूले नेपाली नागरिक लैजान पाउने व्यवस्था गरिएको नेपाल नागरिक उड्डयन प्राधिकरणका प्रवक्ता राजकुमार क्षत्रीले जानकारी दिए ।

उद्धार उडानबाट यात्रा गर्दा शुल्क भने महँगो पर्नेछ। उद्धार उडान गर्दै आएका नेपाल विमान कम्पनीले काठमाडौं–रियादका लागि रू ८९ हजार ५००, काठमाडौं–दमामका लागि रू ८४ हजार ५०० र काठमाडौं–जेद्दा उडानका लागि रू ९८ हजार ५०० भाडादर निर्धारण गरेको छ ।

प्रतिक्रिया