मंगलबार, साउन ३१, २०७९

अरब सागरको ताऊ आँधीमा फसे ४ पानी जहाज

मेरोन्यूज २०७८ जेठ ४ गते १६:३३

काठमाडौँ । कोरोना भाइरस (कोभिड-१९)को महामारीबीच भारतमा ताऊ आँधी सुरू भएको छ । आँधीका कारण मुम्बाईको समुन्द्रमा ४ वटा पानी जहाज फसेका छन् ।

आँधीमा फसेको जहाजमा रहेका कूल ७ सय १० जनामध्ये २ सय १५ जनाको उद्धार गरिएको छ । मुम्बई शहरभन्दा करिब एक सय १७ किलोमिटर टाढाको दुरीको हीरा क्षेत्रहरूमा बार्ज पि-३०५ को उद्धार कार्य जारी रहेको छ । यस जहाजमा २ सय ७३ जना रहेका थिए । जसमा एक सय ७७ जनाको उद्धार गरिसकेको छ ।

बार्ज पि-३०५ को उद्धारमा आइएनएस कोलकाता र आइएन एस कोच्ची सामेल भएका थिए । अबको केही घण्टामा बाँकी मानिसहरूको पनि उद्धार गरिसक्ने समाचारमा जनाइएको छ ।

यसबाहेक बार्ज गाल कन्स्ट्रक्टरमा एक सय ३७ जना सवार रहेका थिए । जसमा ३८ जनाको उद्धार गरिसकेको छ । समाचारमा जनाइएअनुसार आँधीमा फसेको ४ जहाजमध्ये २ वटामा मात्रै उद्धार टोली पुग्न सफल भएका छन् ।

समुन्द्रमा फसेको २ जहाजको अवस्था कस्तो ?

Advertisement

नौसेनाका प्रवक्ता मेहुल कर्णिकका अनुसार बार्ज पि-३०५ जहाजको उद्धार द्रुत गतिमा भइरहेको छ । यस जहाजमा भएका सबै मानिसलाई चाँडोभन्दा चाँडो सुरक्षित तरिकाले निकाल्न सकिने भएको छ ।

यस्तै, बार्ज गाल कन्स्ट्रक्टरमा फसेका मानिसहरूको उद्धार पनि तीव्र गतिमा भएको नौसेनाका प्रवक्ता कर्णिकले बताए । यसका लागि थप उद्धारको टोली यस जहाज नजिक पुगिसकेको उनले बताएका छन् ।

यसैगरि, आँधीमा फसेको बार्ज एसएस-३ र सागर भूषण जहाजको अहिलेसम्म उद्धार गर्न समस्या भएको समाचारमा जनाइएको छ ।

बार्ज एसएस-३ मा एक सय ९६ जना सवार रहेका छन् भने सागर भूषणमा एक सय एक जना सवार रहेका छन् । यो दुवै जहाज पिवाव पोर्टभन्दा ५० नटिकल माइल टाढा दक्षिण-पूर्वमा रहेको छ । यी दुवै जहाजको उद्धार कार्य जारी रहेको समाचारमा जनाइएको छ । यसका लागि नौसेनाको सर्विलान्स एयरक्राफ्ट पि८आई हेलिकप्टरहरू पुगेका छन् । एजेन्सी

प्रतिक्रिया