आइतबार, साउन २९, २०७९

सर्वोच्चले माग्यो प्रधानमन्त्रीसँग लिखित जवाफ

मेरोन्यूज २०७८ जेठ ४ गते १४:५८

काठमाडौं । सर्वोच्च अदालतले शपथसम्बन्धीको रिटमा राष्ट्रपति कार्यालय र प्रधानमन्त्रीसँग लिखित जवाफ माग गरेको छ । प्रधानमन्त्री केपी शर्मा ओलीले लिएको शपथ ग्रहरण सम्बन्धी परेका चारवटा रिटमाथि सुनुवाइ गर्दै सर्वोच्च अदालतले राष्ट्रपति कार्यालय, प्रधानमन्त्री तथा मन्त्रिपरिषद कार्यालय, प्रधानमन्त्री ओलीसहितका विपक्षीसँग लिखित जवाफ माग गरेको छ । १५ दिनभित्र विपक्षीलाई लिखित जवाफ पेश गर्न भनिएको छ।

रिट निवेदनको प्रधानन्यायाधीश चोलेन्द्रशम्शेर जबराको एकल इजलासले आज सुनुवाइ गर्दै अन्तरिम आदेश दिन अस्वीकार गरेको छ । रिट निवेदकले प्रधानमन्त्रीले पुन: शपथ लिनुपर्ने र पुन: शपथ नलिँदासम्म प्रधानमन्त्रीको हैसियतमा कामकाज गर्न रोक लगाउन अन्तरिम आदेश माग गरेका थिए । प्रधानमन्त्री ओलीले शुक्रबार राष्ट्रपतिबाट शपथ लिएका थिए ।

प्रतिक्रिया