बुधबार, कार्तिक १०, २०७८

मदन आश्रित स्मृति दिवस

दासढुङ्गा घटनाको सत्य तथ्य पत्ता लगाउन एमाले नेता नेपालको आग्रह

मेरोन्यूज २०७८ जेठ ३ गते ९:१६

काठमाडौं । नेकपा एमालेका बरिष्ठ नेता माधव कुमार नेपालले दासढुंगा घटनाको छानविन गरी यथार्थ पत्ता लगाउन सम्बन्धित पक्षलाई आग्रह गरेका छन् ।

Advertisement

एमालेका तत्कालीन महासचिव मदन भण्डारी र संगठन विभाग प्रमुख जीवराज आश्रितको २८ औं स्मृति दिवसको अवसरमा विज्ञप्ति जारी गर्दै सो नेता नेपालले वास्तविकता बाहिर ल्याउन आग्रह गरेका हुन् ।

२०५० साल जेठ ३ गते चितवनको नारायणगढ–मुग्लिन सडकखण्डअन्तर्गत दासढुंगामा भएको जिप दुर्घटनामा मदन–आश्रित मारिएका थिए ।

उनीहरुको योगदानको स्मरण गर्दै नेता नेपालले भनेका छन्, ‘जननेता कमरेड मदन भण्डारी र कमरेड जीवराज आश्रितको रहस्यमय दासढुंगा जीप दुर्घटनामा दुःखद निधन भएको २८ वर्ष बितिसक्दा पनि उक्त घटनाको रहस्य बाहिर आएन । घटनासँग जोडिएका अमर लामाको रहस्यमय हत्या हुनुले यस घटनालाई झनै रहस्यमय बनाएको छ । त्यसैले दासढुंगा घटनाको यथार्थ पत्ता लगाउन सम्बन्धित पक्षलाई आग्रह गर्न चाहन्छु ।’

नेकपा एमालेको विधान, विधि, सिद्धान्त, नीति र आदर्श अनुरुप पार्टी र सरकारलाई अघि बढाउन सके मात्रै मदन–आश्रितले देखेका सपना साकार हुने नेता नेपालको भनाइ छ ।

Advertisement

देशको संविधान र पार्टीको विधानको सम्मान गर्दै विगतका गल्तिहरुलाई सच्चाएर हिंड्ने प्रण गरेमा मदन–आश्रितप्रति सच्चा श्रद्धाञ्जली हुने नेता नेपालले उल्लेख गरेका छन् ।

प्रतिक्रिया