मंगलबार, कार्तिक ९, २०७८

ओली-नेपाल वार्ता : नेम्वाङ र रावलको नेतृत्वमा कार्यदल गठन

मेरोन्यूज २०७८ जेठ २ गते १५:१८


काठमाडौँ । नेकपा एमाले अध्यक्ष केपी शर्मा ओली र वरिष्ठ नेता माधवकुमार नेपालबीचको वार्ता सकिएको छ । दुई नेताबीच सिंहदरबारमा वार्ता भएको हो ।

Advertisement

दुई नेताबीचको वार्तामा कार्यदल गठन गर्ने निर्णय भएको छ । कार्यदलको नेतृत्व ओली पक्षबाट सुवास नेम्वाङ र नेपाल पक्षबाट भीम रावलले गर्ने सहमति भएको नेता माधव कुमार नेपालले बताए । उनका अनुसार कार्यदलले तिन दिनभित्र प्रतिवेदन बुझाइ सक्नु पर्ने छ ।

उक्त प्रतिवेदनका आधारमा एमालेभित्रको विवाद समाधान गर्ने दुई नेताको सहमति भएको नेता नेपालले बताए । राष्ट्रिय सभाको उप निर्वाचनका बारेमा कुनै प्रतिक्रिया दिन मानेन्न ।

कार्यदलमा ओली पक्षबाट सुवास नेम्वाङको नेतृत्वमा विष्णु पौडेल, प्रदीप ज्ञवाली, विष्णु रिमाल र शंकर पोखरेल सदस्य छन्। यस्तै, नेता नेपालका पक्षबाट भीम रावलको नेतृत्वमा घनश्याम भुसाल, सुरेन्द्र पाण्डे, रघुजी पन्त र गोकर्ण विष्ट रहेका छन् ।

Advertisement

प्रतिक्रिया