आइतबार, साउन २९, २०७९

राजनीतिक विमतिलाई थाती राखेर राष्ट्रको मिसन कोभिड-१९ बनाउनु पर्छ : नेता भट्टराई

मेरोन्यूज २०७८ वैशाख ३० गते ११:४४


काठमाडौँ । नेकपा एमाले नेता योगेश भट्टराईले राजनीतिक विमतिहरुलाई थाती राखेर राष्ट्रको मिसन कोभिड १९ लाई बनाउनु पर्ने बताएका छन् ।

भट्टराईले सरकार र राजनीतिक दलहहरुको ध्यानाकर्षण गराउँदै आज विश्व नै कोभिडबाट आक्रान्त भएको भन्दै हरेक दिन बिरामीहरुको अकालमा मृत्यु र उनीहरुका परिवारको चित्कारका समाचारले सरकार र भाग्यले बाँचेकाहरू पनि लाचार बनिरहेको अवस्था रहेको उल्लेख गरेका छन् ।

उनले देश संकट तिर जाँदै गरेको बताए । सामाजिक सञ्जालमा लेख्दै भट्टराईले बिगतदेखि कै सरकारहरुले सर्वजनिक स्वास्थ्यलाई राज्यको प्रमुख दायित्वका रुपमा लिएर प्रयाप्त काम नगरेका कारण आज यस्तो अवस्था आएको बताए । बिरामीका लागि न्युनतम अक्सिजन र बेड दिन नसक्नुले हामीसबै लज्जित भएका छौ ।

उनले भने, ”यस्तो सँवेदनसील अवस्थामा भैरहेका अस्वस्थ राजनीतिक खेलहरुले सरकार, राज्ययन्त्र तथा राजनीतिक नेत्रित्वप्रति असन्तुस्टी बढदै गएर ब्यबस्था नै धरापमा पर्नसक्ने संभावनाप्रति सबै सचेत हुनुपर्दछ ।“

Advertisement


भट्टराईले निम्न बिषयमा सरकारको ध्यानाकर्षण गराएका छन् ।


१) अहिले तुलनात्मक रुपमा चिनमा कोभिडको असर कम भएको देखिन्छ । तसर्थ अघिल्लो समयमा इटली लगायतका युरोपेली मुलुकमा चिनले स्वास्थ्य सामाग्री र जनशक्ति सहित जसरी सहयोग गरेको थियो त्यसरिनै अहिले नेपाललाई सहयोग गर्न नेपाल सरकारले चिन सरकारलाई अनुरोध गर्नु पर्दछ । र भारत लगायत अन्य देशका सरकारलाई पनि अनुरोध गरी सहयोग तत्काल ल्याउनु पर्दछ ।


२) २०७२ को महा भुकम्प पछी जसरी राजनीतिक बिमतीहरुलाई थाती रखेर सरकार र राजनीतिक नेत्रित्वले सहमतिमा काम गर्‍यो, एमाले, माओवादी र नेकाका बिचमा १६ बुंदे सहमति गरी संबिधान निर्माण गर्ने जोखिमपूर्ण काम सम्पन्न भयो त्यसरी नै कोभिड बिरुद्धको लडाईंमा फेरी एक पटक राष्ट्रिय सहमतिकासाथ ठोस योजनामा सबैले काम गर्नु पर्दछ। राष्ट्रको मिसन कोभिड १९ लाई बनाउनु पर्दछ ।

३) सम्पूर्ण जनशक्तिलाई कोभिड बिरुद्धको लडाईंमा केन्द्रित गर्ने र छिटो प्रकृयाबाट थप जनशक्ति भर्ना गर्ने ।


४) आर्थिक अभाव हुन नदिने । अन्य शिर्सकका बजेट पनि कोभिडमा केन्द्रित गर्ने । कोभिड बिरुद्धको लडाईंमा खटेको जनशक्ति बाहेक राज्यबाट पारिश्रमिक लिने अरु सबैको सुबिधा हाललाई स्थगित राख्ने ।

प्रतिक्रिया