बुधबार, कार्तिक १०, २०७८

एमाले स्थायी कमिटि बैठक बालुवाटारमा जारी, माधव पक्षका मागबारे छलफल

मेरोन्यूज २०७८ वैशाख ३० गते १०:४८
तस्बिर : प्रधानमन्त्रीको सचिवालय

काठमाडौं । नेकपा एमालेको स्थायी कमिटि बैठक प्रधानमन्त्रीको सरकारी निवास बालुवाटारमा शुरु भएको छ । राष्टपति विद्यादेवी भण्डारीले बहुमतको सरकार गठन गर्न दिएको आजै अन्तिम दिन कतै माधव नेपाल पक्षका सांसदहरुले राजीनामा दिई विपक्षी गठवन्धनलाई सहज बनाईदिन सक्छन् की भन्ने आशंकाका वीचमा एमाले स्थायी कमिटिको बैठक शुरु भएको हो ।

Advertisement

बैठकमा माधव नेपाल पक्षका माग सम्वोधन के कसरी गर्न सकिन्छ भन्ने बारेमा विशेष गरी छलफल हुने एक नेताले बताए । नेपालसँग प्रधानमन्त्री ओलीले हिजै साँझ टेलिफानेमा सम्वाद गर्न चाहेको भए पनि नेपालले अनिच्छा देखाएपछि ओलीले विष्णु पौडेल , गोकुल बास्कोटा लगायतका नेतालाई नेपालसँग सम्वादका लागि पठाएका थिए ।

आहिले नेपाल पक्षका माग सम्वोधन गर्ने विषयमा सम्पूर्ण अधिकार ओलीलाई नै दिने गरी बैठकले निर्णय गर्न सक्ने नेताहरुको भनाई छ । सम्भवत आजै माधव नेपालले मानेमा र समय छलफलका लागि उपलब्ध गराएमा प्रधानमन्त्री ओलीले नेपालसँग पनि छलफल गर्न चाहेका छन् ।

प्रतिक्रिया