बुधबार, कार्तिक १०, २०७८

राष्ट्रपतिलाई ठाकुर र महतोको आग्रहः यादवले सरकार गठन गर्न पार्टीको सिफारिस ल्याए नमान्नु

मेरोन्यूज २०७८ वैशाख २९ गते १७:५४

काठमाडौं । जनता समाजवादी पार्टी (जसपा)का अध्यक्ष महन्थ ठाकुर र वरिष्ठ नेता राजेन्द्र महतोले राष्ट्रपति विद्यादेवी भण्डारी समक्ष उपेन्द्र यादवले सरकार गठनका लागि पार्टीको सिफारिस ल्याएमा नमान्न आग्रह गरेका छन् ।

Advertisement

बुधबार शीतल निवास पुगेका ठाकुर र महतोले आफ्नो पार्टी वैकल्पिक सरकारको पक्षमा नरहेको जनाएको हाे ।

यादव दोस्रो वरियताको अध्यक्ष भएको र निर्वाचन आयोगमा समेत ठाकुरकै हस्ताक्षर चल्ने जानकारी ठाकुर र महतोले राष्ट्रपतिलाई गराएका थिए। तर जसपाको विधानमा अध्यक्षहरुको वरियता नतोकिएको यादव पक्षीय नेताहरुको भनाइ छ।

जसपका अध्यक्ष ठाकुर र महतो प्रधानमन्त्री केपी ओलीकै निरन्तरताको पक्षमा छन् भने अर्का अध्यक्ष यादव कांग्रेस सभापति शेरबहादुर देउवालाई प्रधानमन्त्री बनाउने पक्षमा रहेको देखिन्छ ।

Advertisement

प्रतिक्रिया