आइतबार, साउन २९, २०७९

यो सरकारमाथि अविश्वास गर्ने कुनै कारण छैन – प्रधानमन्त्री ओली

मेरोन्यूज २०७८ वैशाख २७ गते १४:१२

काठमाडौँ । प्रधानमन्त्री केपी शर्मा ओलीले प्रतिनिधिसभामा आफूप्रति विश्वासको मत रहेको बताएका छन् । सोमबार प्रतिनिधिसभाको बैठकलाई सम्बोधन गर्दै उनले यस्तो बताएका हुन् ।

प्रधानमन्त्री ओलीले केही दिनअघि प्रतिनिधिसभाबाट विश्वासको मत लिने बताएका थिए । सोहीअनुसार विषेश अधिवेशनको पहिलो दिन आज प्रधानमन्त्रीले विश्वासको मत लिने भएका छन् ।

‘समस्याको समाधानको पक्षमा यो सरकारले काम नगरेको छैन, यो सरकारमाथि अविश्वासको कुरा गर्ने कुनै कारण छैन,’ प्रधानमन्त्री ओलीले भने, ‘सरकारभित्र यो ठाउँमा कमीकमजोरी भयो, सच्याउनु पर्छ भन्ने कुरा विश्वभर औचित्यपूर्ण काम गर्न सकिन्छ, त्यसका लागि सरकार सबै पक्षसँग छलफल गर्न, संविधान संशोधन गर्न कार्यदल गठन गर्न सकिन्छ ।’

प्रधानमन्त्री ओलीले आजको समयमा कसैले विखण्डनको राजनीति बोक्न नहुने बताउँदै राजनैतिक अधिकार प्राप्तिका लागि वा आफ्ना माग पूरा गर्न आफ्नो स्वार्थ बोक्न नहुने बताए ।

Advertisement

प्रतिक्रिया