आइतबार, असोज ३१, २०७८

भारतमा कोरोना संक्रमितको संख्या घट्यो तर मृत्युदर बढ्यो

मेरोन्यूज २०७८ वैशाख २७ गते ७:५३

दिल्ली । कोरोनाभारइसको दोस्रो लहरले आक्रान्त बनेको भारतमा पछिल्ला केही दिनमा दैनिक संक्रमितको संख्यामा कमी आए पनि मृत्युदर भने बढेको देखिन्छ ।

Advertisement

टाइम्स अफ इन्डियाका अनुसार पछिल्ला दिनमा भारतमा थपिएका कूल संक्रमितको एक प्रतिशतले ज्यान गुमाएका छन्। पछिल्ला सात दिनमा भारतमा २७ लाख ४० हजार मानिसलाई संक्रमण भएको थियो भने २७ हजारभन्दा बढीले ज्यान गुमाएका थिए। जुन भारतमा कोरोना संक्रमणबाट एकैसातामा यति धेरै मानिसको मृत्यु भएको यो पहिलो पटक हो।
आइतबार भारतमा ३ लाख ६६ हजार नयाँ संक्रमित थपिएका थिए। मे ६ मा एकैदिन अहिलेसम्मकै धेरै ४ लाख १४ हजार संक्रमित थपिएकामा त्यसपछिका दिनमा दैनिक संक्रमितको संख्या घट्दै गएको छ। कैयौं दिनदेखि संक्रमण तीव्र भएका महाराष्ट्र, दिल्लीजस्ता राज्यमा संक्रमण घटे पनि केरला, पश्चिम बंगाल, उत्तराखण्डजस्ता राज्यमा अहिले संक्रमण उकालो लागिरहेको छ।

प्रतिक्रिया