मंगलबार, कार्तिक ९, २०७८

अफगानिस्तानको विद्यालयमा बम बिस्फोट, ५० जनाको मृत्यु

मेरोन्यूज २०७८ वैशाख २६ गते १४:४९

काठमाडौँ । अफगानिस्तानको काबुलस्थित एउटा बालिका माध्यमिक विद्यालय बाहिर भएका तीन वटा बिस्फोटमा परेर मृत्यु हुनेको संख्या ५० पुगेको प्रहरीले जनाएको छ । प्रहरीका अनुसार शैयद उल सौहादा माध्यमिक विद्यालयमा शनिबार अपराह्न ४ बजे भएको बिस्फोटमा सयभन्दा बढी घाइते भएका छन् ।

Advertisement

काबुल प्रहरीका प्रवक्ता फरदौस फरामर्जले एउटा बिस्फोटको प्रारम्भिक अवस्था हेर्दा कार बम बिस्फोटजस्तो देखिएको बताए । अन्य दुई वटा बिस्फोटन भने बारुदी सुरुङबाट भएको प्रवक्ता फरदौसले जानकारी दिए । विद्यालय छुट्टी भएर विद्यार्थीहरु आआफ्ना घरतिर जान लाग्दा बिस्फोट भएको छ । अधिकांश पीडितहरु विद्यालयका केटाकेटी रहेको अनुमान गरिएको छ ।

अफगानिस्तानको सबैभन्दा ठूलो विद्रोही समूह तालिवानले उक्त घटनामा आफ्नो संलग्नता नरहेको जनाएको छ । यस घटनामा इस्लामिक स्टेटको संलग्नता रहेको तालिबानको आरोप छ ।

अफगानिस्तानका राष्ट्रपति मोहम्मद अश्रफ घानीले उक्त आक्रमणको भत्र्सना गरेका छन् । उनले घाइतेको सर्वोत्तम उपचारको प्रबन्ध मिलाउन स्वास्थ्य अधिकारीहरुलाई निर्देशन दिएका छन् ।

Advertisement

प्रतिक्रिया