बुधबार, कार्तिक १०, २०७८

प्रधान्यायाधीश जबरा गएपछि संवैधानिक परिषद बैठक सुरु भयो

मेरोन्यूज २०७८ वैशाख २६ गते १०:२५

काठमाडौं । संवैधानिक परिषदको बैठक सुरु भएको छ । बैठक वालुवाटारस्थित प्रधानमन्त्री निवासमा विहान १० बजे सुरु भएको हो ।

Advertisement

लामो समयपछि आज बसेको बैठकमा संवैधानिक आयोगहरुमा रिक्त पदाधिकारीमा नियुक्तिको सिफारिसबारे छलफल हुने छ ।

परिषद बैठकमा प्रधानन्यायाधीश चोलेन्द शमशेर जबरा र राष्ट्रिय सभाका अध्यक्ष गणेश प्रसाद तिमिल्सिना उपस्थित छन् । विपक्षी दलका नेता शेरबहादुर देउवा सभामुख अग्नि प्रसाद सापकोटा भने गएका छैनन् ।

परिषदका अध्यक्ष समेत रहेका प्रधानमन्त्री केपी शर्मा ओलीले असंवैधानिक कदम चालेको भन्दै असन्तुष्टि जनाएका देउवा र सापकोटा नगएका हुन् । देउवाले त हिजो नै विज्ञप्ति जारी गर्दै परिषदका अन्य सदस्यलाई पनि नजान आग्रह गरेका थिए ।

हाल लोकसेवा आयोगमा सबै पदाधिकारी रिक्त छ । यसैगरी अख्तियार दुरुपयोग अनुसन्धान आयोगमा २ सदस्य रिक्त छन् । महिला आयोगसहित अरु केही संवैधानिक आयोगमा पनि केही पद खालि छन् ।

Advertisement

संवैधानिक आयोगहरुका पदाधिकारी नियुक्तिका लागि परिषदले सिफारिस गरेपछि संसदीय सुनुवाई पछि राष्ट्रपतिले नियुक्त गर्ने संवैधानिक व्यवस्था छ ।

संवैधानिक परिषदको बैठक सम्बन्धी कार्यविधिमा अध्यक्ष र कम्तीमा चारजना अन्य सदस्यहरु उपस्थित भएमा परिषद्को बैठकको लागि गणपूरक संख्या पुगेको मानिने र बैठकमा पेश भएको प्रत्येक विषयको निर्णय सर्वसम्मतिको आधारमा हुने उल्लेख छ ।

तर, हालै सरकारले बहुमतको आधारमा नियुक्तिको सिफारिस गर्न सकिने व्यवस्थासहित अध्यादेश जारी गरेको छ ।

प्रतिक्रिया