बुधबार, कार्तिक १०, २०७८

प्रयोगविहीन अक्सिजन सिलिण्डर संकलन गरी अस्पताललाई वितरण

मेरोन्यूज २०७८ वैशाख २४ गते १५:४५

ललितपुर । कोरोना भाइरस (कोभिड-१९) महामारी फैलिएसँगै महानगरीय प्रहरी परिसर ललितपुरले प्रयोगबिहीन अक्सिजन सिलिण्डरहरु संकलन गरी विभिन्न अस्पताललाई वितरण गरेको छ । जिल्लाका वि भिन्न स्थानमा प्रयोगविहीन रहेका एक सय ५९ थान अक्सिजन सिलिण्डर महानगरीय प्रहरी परिसर ललितपुरको अगुवाईमा संकलन गरी वितरण गरेको हो ।

Advertisement

संकलन गरिएका अक्सिजन सिलिण्डरमध्ये डिसिसिएमसीको बैठकबाट निर्णय गराई तत्काल अतिआवश्यक रहेका पाटन स्वास्थ्य विज्ञान प्रतिष्ठान ललितपुरलाई ५० थान, किस्ट मेडिकल कलेज इमाडोललाई ३० थान, बज्रबाराही अस्पताल चापागाउँलाई १० थान र अल्का अस्पताल जावलाखेललाई १५ थान अक्सिजन सिलिण्डर विरामीहरुको प्रयोजनका लागि बुझाइएको छ ।

साथै ललितपुरका निमित्त प्रमुख जिल्ला अधिकारी ललितकुमार बस्नेत, प्रहरी उपरीक्षक प्रज्वल महर्जन, राष्ट्रिय अनुसन्धान विभाग ललितपुरका प्रमुख, जिल्ला स्वास्थ्य कार्यालयका प्रमुख र घरेलु तथा साना उद्योग विभागले समेतको टोलीले जिल्लामा रहेका अक्सिजन प्लान्टहरुको अनुगमन गरेको प्रहरीले जनाएको छ । स्टक एवं डम्प भई बसेका सिलिण्डरको खोजी कार्यमा प्रहरीले तिव्रता ल्याउनुका साथै आमनागरिकमा यससम्बन्धि जानकारी भएमा नजिकको अस्पताल वा महानगरीय प्रहरी परिसर ललितपुरसँग समन्वय गर्न अनुरोध गरेको छ ।

प्रतिक्रिया