मंगलबार, साउन ३१, २०७९

अल्का अस्पतालले भन्यो, ‘अक्सिजन सकिँदा संक्रमितको उपचारमा समस्या भयो’

मेरोन्यूज २०७८ वैशाख २४ गते १३:२७

ललितपुर । ललितपुरमा रहेको अल्का अस्पतालले कोरोना भाइरस (कोभिड–१९)का बिरामीहरूको उपचारमा अक्सिजनको समस्या देखिन थालेको जनाएको छ । शुक्रबार एक प्रेस विज्ञप्ति जारी गर्दै अस्पतालले अक्सिजन आपूर्तिमा कठिनाई उत्पन्न भएको जनाएको छ ।

‘अहिले दैनिक एक सय ५० वटा सिलिण्डर अक्सिजन आवश्यक पर्छ, ४४ वटा भने अल्का अस्पतालले आन्तरिक उत्पादनबाट व्यवस्था मिलाउँदै आइरहेको छ,’ विज्ञप्तिमा भनिएको छ, ‘हाल २९ वटा जनरल वार्ड, १७ वटा आइसियू र १५ वटा क्याबिन कोरोना संक्रमित लागि छुट्याइएको छ ।’

अक्सिजन सहज रुपमा उपलब्ध गराउने वातावरण बनाइदिन अस्पतालले स्वास्थ्य तथा जनसंख्या मन्त्रालय, बागमती प्रदेश सरकार, स्थानीय प्रशासन, स्थानीय तह, नागरिक समाज सञ्चारकर्मीलगायत सबैसँग आग्रह गरेको छ ।

प्रतिक्रिया