मंगलबार, कार्तिक ९, २०७८

१२८ सांसद सहित ६०९ को स्वाव संकलन (तस्विर सहित)

मेरोन्यूज २०७८ वैशाख २२ गते १७:०५

काठमाडौं । प्रधानमन्त्री केपी ओलीले आउने सोमबार संसदमा विशेष अधिवेशन मार्फत विश्वासको मत लिने भएपछि सांसद, कर्मचारी , सुरक्षाकर्मी र पत्रकारको स्वाव संकलन शुरु भएको छ । संसद सचिवालय ले आज र भोली दुई दिन स्वाव संकलन गर्न लागेको हो ।

Advertisement

आज पहिलो दिन सभामुख अग्नि सापकोटा सहित १२८ सांसद सहित ६०९ जनाको स्वाव संकलन गरिएको संसद सचिवालयले जनाएको छ ।

संसद भवन नयाँबानेश्वरमा आज सम्माननीय सभामुख अग्निप्रसाद सापकोटा, माननीय सदस्यहरु, संघीय संसदका कर्मचारी, संसदीय मामीला आवद्ध सञ्चारकर्मी, आइ सी सीका कर्मचारी, सुरक्षाकर्मी, मर्यादापालक लगायततको पिसिआर विधिबाट कोरोना परिक्षणका लागि स्वाव संकलन गरिएको हो । स्वाव संकलन भोलि पनि हुनेछ ।

भोलि स्वाव संकलन विहान १० बजे देखि दिउँसो ३ बजे सम्म हुने छ । आज सभामुखसहित माननीयहरु १२८ जना, कर्मचारी, पत्रकार, सुरक्षाकर्मी, मर्यादापालकसमेत ४८१ जना गरि जम्मा ६०९ जनाको स्वाव संकलन गरिएको छ ।

हेर्नुहोस तस्विरहरु

Advertisement

प्रतिक्रिया